પંચમહાલ જીલ્લા પોલીસ દ્વારા વિવિધ ગુનાઓમાં ફરાર આરોપીઓને પકડવાની કામગીરી હાથ ધરવામા આવી રહી છે. પોલીસને બાતમી હતી કે, જિલ્લામાં ચોરીના બનાવોને અંજામ આપનાર યાકુબ યુસુફ જર્દા નામનો આરોપી હાલમાં ગોધરાના સીંગલ ફળીયા અબુબક્કર મસ્જીદની બાજુમાં ભામૈયા ચોકડી પાસે ઉભો છે.
બાતમીના આધારે PSI એન.એમ. રાવત, LCB પોલીસ સ્ટાફના માણસો સાથે વોચ રાખી તેને કોર્ડન કરી પકડી પાડ્યો હતો. આરોપીએ સુરત,આણંદ,ભરુચ જીલ્લામાં વિવિધ જગ્યાએ ચોરીના ગુના આચર્યા હોવાનુ કબુલ્યુ હતું. જે છેલ્લા 13 વર્ષથી ફરાર હતો. આ આરોપી પકડીને કાયદેસરની કાર્યવાહી હાથ ધરી છે.
