પંચમહાલમાં અંબાજી પદયાત્રીઓને કારે અડફેટે લેતા, 3ના મોત

પંચમહાલ: જિલ્લામાં શહેરા ખાતે કાર ચાલકે અંબાજી જતા પદ યાત્રીઓને અડફેટે લેતા 3ના મોત નિપજ્યા હતા. ભાદરવા મહિનાની પૂનમ ભરવા માટે અંબાજી ખાતે મોટી સંખ્યામાં લોકો પદયાત્રા કરીને જતા હોય છે. જેમાં પંચમહાલમાં શહેરા નજીક અંબાજી જતા પદયાત્રીઓ સ્વીફ્ટ કારે અડફેટે લેતા 3ના મોત થયા હતા. જેમાં દેવગઢ બારીયા તરફી એક પદયાત્રીઓનો સંઘ ગઈ કાલે નીકળ્યો હતો. જેમાં વહેલી સવારે શહેરા પાસે આવેલા લાંભી ગામ પાસે એક સ્વીફ્ટ કાર ચાલકે આ પદયાત્રીઓને અડફેટે લેતા 3 જેટલા યાત્રીઓના મોત ઘટનાસ્થળે થયા હતા. જેમાં 2 લોકો દેવગઢ બારીયાના ભૂત પગલા અને એક યાત્રી મોરવા હડફના પરબીયાના હોવાનું જાણવા મળ્યું છે. પોલીસ દ્વારા કારને કબ્જે લઈ વધુ તપાસ હાથ ધરી છે.

પંચમહાલ જિલ્લાના શહેરાના લાભી પાસે આજે વહેલી સવારે એક કારે અંબાજી જતા સંઘને અડફેટે લેતા ત્રણ યાત્રાળુઓને મોત નીપજ્યાં છે. આ યુવાનોમાં 25 વર્ષીય શૈલેસ સોમાભાઈ બારીયા જે દાહોદ જિલ્લાના દેવગઢબારીયા તાલુકાના ભુતપગલા ગામનો રહેવાસી હતો. 26 વર્ષીય અશ્વિન કનકસિંહ બારીયા જે દાહોદ જિલ્લાના દેવગઢબારીયા તાલુકામાં આવેલા ભુતપગલા ગામનો રહેવાસી છે. આ સાથે જ 18 વર્ષીય કમલેશ રમણભાઈ પટેલ જે પંચમહાલના મોરવા હડફ તાલુકાના પરબીયા ગામનો રહેવાસી હતો.