- જિલ્લામાં 660 સરકારી અને 163 ખાનગી શાળાઓમાં બાળકોની કિકયારી સંભળાશે
- શાળાઓમાં વર્ગખંડોને સેનેટાઈઝ કરી, સાફ-સફાઈ કરવામાં આવી
- સરકારની SOP પ્રમાણે નાના ભુલાકાઓને આવકારવા શાળાઓ તૈયાર
નવસારી : રાજ્ય સરકારના શિક્ષણ પ્રધાન જીતુ વાઘાણીએ (Education Minister Jitu Waghan ) ગતરોજ કરેલી ધોરણ 1 થી 5 ના વર્ગો શરૂ(Classes 1 to 5 start ) કરવાની જાહેરાત બાદ આજે બે વર્ષો બાફ નવસારી(navsari) જિલ્લાની 800 થી વધુ શાળાઓમાં ધોરણ 1 થી 5 ના વિદ્યાર્થીઓને આવકારવાની તૈયારી આરંભી દેવામાં આવી છે. ગ્રામ્ય કક્ષાની કેટલીક સરકારી પ્રાથમિક શાળાઓમાં(Navsari Government Primary School ) બાળકો શાળાએ આવ્યા હતા, ત્યારે ખાનગી શાળાઓ હજુ એક-બે દિવસમાં શરૂ થશે.
પોણા બે વર્ષો બાદ શાળાઓ શરૂ થતા વિદ્યાર્થીઓમાં ઉત્સાહ
કોરોના કાળ શરૂ થયાની સાથે જ ગુજરાતમાં શાળાઓને તાળા લાગી ગયા હતા. જોકે બીજી લહેર બાદ કોરોનાના(Corona કેસમાં ઘટાડો થતા સરકારે તબક્કાવાર શિક્ષણ કાર્ય આરંભ્યું છે. જેમાં અંતિમ તબક્કો એટલે કે ધોરણ 1 થી 5 ના વિદ્યાર્થીઓને શાળાએ(Classes 1 to 5 start ) બોલાવવા માટે સરકારે ઘણી રાહ જોઈ છે.
ધોરણ 1 થી 5 ના વર્ગો 22 નવેમ્બરથી શરૂ કરવાની જાહેરાત કરી હતી
ગત રોજ રાજ્યના શિક્ષણ પ્રધાન જીતુ વાઘાણીએ(Jitu Waghan ) ધોરણ 1 થી 5 ના વર્ગો 22 નવેમ્બરથી શરૂ કરવાની જાહેરાત કરી હતી. ત્યારબાદ શિક્ષણ વિભાગે પરિપત્ર જાહેર કરી શાળાઓને જુના SOP પ્રમાણે વિદ્યાર્થીઓને બોલાવવાની મંજૂરી આપી હતી. જેને આધારે નવસારી જિલ્લાની સરકારી 660 શાળાઓ અને ખાનગી 163 શાળાઓએ નાના ભૂલકાઓને આવકારવાની તૈયારી આરંભી દીધી છે.
ખાનગી શાળાઓમાં બાળકોના સંમતિ પત્રક સાથેની તૈયારી આરંભી
આજે સવારથી જ શાળાએ જવું કે ન જવું એને લઈને વાલીઓ અને વિદ્યાર્થીઓ થોડા અવઢવમાં હતા. પરંતુ ગ્રામ્ય કક્ષાની પ્રાથમિક શાળાઓમાં ધોરણ 1 થી 5 ના વિદ્યાર્થીઓ આવતા શિક્ષણકાર્ય શરૂ થયું છે. જ્યારે જિલ્લાની ખાનગી શાળાઓમાં બાળકોના સંમતિ પત્રક મેળવવા સાથેની તૈયારી આરંભી છે. શહેરની ડિવાઇન પબ્લિક સ્કૂલમાં ધોરણ 1 થી 5 ના વર્ગો સેનેટાઈઝ કરવા સાથે સફાઈ કાર્ય આરંભી બાળકોની સંખ્યાને ધ્યાને લઈ, 50% અનુસાર વિદ્યાર્થીઓ બોલાવવાની તૈયારી કરવામાં આવી છે.
આજથી ધોરણ 1 થી 5 સાથે જ ધોરણ 6 થી 12 ના બીજા સત્રનો પણ પ્રારંભ
ગુજરાતના શિક્ષણ વિભાગ દ્વારા આજથી શાળાઓમાં ધોરણ 1 થી 5 ના વર્ગો આજથી શરૂ થયા છે. જ્યારે ધોરણ 6 થી 8 અને માધ્યમિક અને ઉચ્ચતર માધ્યમિક વિભાગનું બીજું સત્ર શરૂ થયું છે. શાળા ખુલતા જ વિદ્યાર્થીઓ અભ્યાસ કાર્યમાં જોડાયા હતા. નવસારી જિલ્લા શિક્ષણ અધિકારીએ જણાવ્યું કે સરકારની ગાઈડ લાઈન પ્રમાણે ધોરણ 1 થી 5 ના વિદ્યાર્થીઓને બોલાવવાની તૈયારી કરવામાં આવી છે. શાળાઓમાં વિધાર્થીઓ માસ્ક પહેરીને આવે અને સનરાઇઝર્સનો ઉપયોગ કરાય એનું ધ્યાન રાખવા શાળાઓને સૂચના આપવામાં આવી છે.
આ પણ વાંચોઃ મુખ્યપ્રધાન ભૂપેન્દ્ર પટેલે ઓચિંતી પ્રધાનોની ઓફિસમાં મુલાકત લીધી, 2 પ્રધાનો ગેરહાજર
આ પણ વાંચોઃ અમદાવાદમાં IT વિભાગની કાર્યવાહી, મોટી સંખ્યામાં બેનામી બિલો અને કરચોરી બહાર આવવાની પ્રબળ શક્યતા
