નર્મદા જિલ્લાના રાજપીપળા NCC એકેડમી ખાતેથી ફલેગ ઓફ કરી ટ્રેકિંગ કેમ્પનો પ્રારંભ કરાવ્યો હતો. આ ટ્રેકિં કેમ્પ 56 KM છે. જેમાં ગુજરાત, દાદરા અને નગરહવેલી, દીવ અને દમણ, અમદાવાદ દ્વારા એન.સી.સી. ગૃપ હેડકવાર્ટર વડોદરાની દોરવણી હેઠળ યોજાયો હતો. આ પ્રકારની ઐતિહાસિક અને સાહસિક પ્રચલિત ટ્રેકિગ કેમ્પનું દર વર્ષે આયોજન કરવામાં આવે છે. અને જીવનમાં એકવાર તક મળ્યા બાદ એન.સી.સી. કેડેટસ તેની આતુરતાથી રાહ જોતા હોય છે. ત્યારે આ કેમ્પમાં ભાગ લઇ રહેલા કેડેટ્સમાં ખુબજ ઉત્સાહ જણાતો હતો.
આ ટ્રેકિંગ કેમ્પમાં ભાગ લેનાર છાત્રોની જુદી-જુદી ટુકડીઓ જીતનગરથી જુનારાજ, સહિતના જંગલોમાં તબક્કાવાર ટ્રેકિંગ માટે જૂનારાજ અને કેવડીયા કોલોની થઇ સરદાર વલ્લભભાઈ પટેલના સ્ટેટ્યુ ઓફ યુનિટી ખાતે પહોંચશે. આ કેમ્પમાં 17 જેટલા ડાયરેક્ટરો અને અલગ અલગ રાજ્યોના કેડેટ્સ ભાગ લઇ રહ્યાં છે
આ ટ્રેકિંગ કેમ્પનો મુખ્ય ઉદેશ્ય એ છે કે, આમાં ભાગ લેનાર એનસીસી છાત્રો તેમની આ મુલાકાત દરમિયાનના ગુજરાતના મીઠા સંસ્મરણો અને અવિસ્મરણીય સ્મૃતિ સાથે લઇને તેમના વિસ્તારમાં પરત ફરશે. અને ટ્રેકિંગની વિવિધ માહિતી મેળવીને પોતાનામાં શિસ્ત અને એકતા લાવશે. કેમ કે, એન.સી.સીનું જીવન એટલે એક ફૌજીનું જીવન. આ એનસી.સી કેડેટ પોતાની જાતને એક ફૌજી સમજીને આગળ વધે છે. વળી એન.સી.સીના આ કેડેટ્સને ફૌજમાં જવાની તકો પણ આવા કેમ્પ થકી મળે છે. આ અંગેની માહિતી મેજર જનરલ રોય જોસેફે આપી હતી.
નર્મદા જીલ્લો ટ્રેકિંગ માટે બેસ્ટ છે. અને અહિંયાની આબોહવા, જંગલ પર્વતો, નદી, નાળા, ઝરણા સૌ ખુબ સુંદર છે. અને ટ્રેકિંગ માટે ઉતમ જગ્યા છે. જેથી હેડ ક્વાટર ટ્રેકિંગ સેન્ટર રાજપીપળામાં ઉભું કરાયું છે.
