હરસિઘ્ઘિ માતાની 200 રાજપૂત યુવાનોએ તલવારના કરતબ સાથે આરતી ઉતારી

નર્મદાઃ નવરાત્રી માઁ દરેક ભક્તો માઁ ની ઉપાસના પોતાની શક્તિ પ્રમાણે કરે છે ત્યારે નર્મદાના રાજપીપળા માઁ આવેલા પૌરાણિક માઁ હરસિઘ્ઘિના મંદિરે પણ ભક્તો અનોખી રીતે માઁ ની પૂજા અર્ચના કરે છે 443 વર્ષ પુરાનું આ મંદિર રાજપૂતોની કુળદેવી મનાય છે અને એક લોકવાયકા પ્રમાણે તે સમય ના રાજવી વેરીસાલ સાથે માઁ હરસિદ્ધી ઉજ્જૈનથી રાજપીપળા આવ્યા હતા અને તેને કારણે જ રાજપૂતોમા હરસિઘ્ઘિ માઁ ની અપાર શ્રદ્ધા છે ત્યારે અહીં છેલ્લા 6 વર્ષથી આસો સુદ છઠે તલવાર બાઝી કરી માતાની આરતી થાય છે અને શ્રદ્ધા સાથે શૌર્ય પ્રદર્શન કરવામાં આવે છે તો આવો આપણે પણ નિહાળીએ તલવાર આરતી ને...

રાજપૂતોની કુળદેવી ગણાતી માઁ હરસિધ્ધિનું એક મંદિર ઉજ્જૈન માઁ છે અને બીજું નર્મદાના રાજપીપળામાં માઁ હરસિધ્ધિની આરતી અનોખી રીતે થાય તે આશયથી અહીંના 200 જેટલા યુવાનો છેલ્લા પાંચ વર્ષથી પ્રયત્નશીલ છે અને રાજપુતોના શૌર્ય સમી તલવાર બાઝીની આરતી કરી લોકોને દંગ કરે છે. માઁ ની આરતી અનોખી રીતે તલવાર બાઝીથી થાય તે માટે 10 વર્ષના બાળકથી લઈને 40 વર્ષના યુવાનોએ એકી સાથે આરતીની ધૂનમા તલવાર બાઝી કરી ત્યારે એક અનોખું દ્રશ્ય સર્જાયું હતું.

સતત 1 કલાક અને 30 મિનીટ સુધી ચાલતી કુલ 3 આરતીમાં 200 જેટલા યુવાનોએ સતત તલવાર બાઝી કરી માઁ ની અનોખી આરાધના કરી. જોકે તલવારએ રાજપૂતોનું શસ્ત્ર ગણાય છે પરંતુ આ શસ્ત્રને સમય આવે ક્ષત્રાણી પણ ચલાવી શકે તે આશયથી માતાની અનોખી શ્રદ્ધા સાથે આજે તલવાર આરતી કરી જોકે આ વર્ષે આ તલવાર મહા આરતીની વિશેષતાએ હતી કે માત્ર નર્મદા જ નહીં પણ પાડોશી જિલ્લા ના રાજપૂત યુવાનોએ પણ આ આરતીમાં ભાગ લીધો અને છેલ્લા 4 મહિનાથી આ આરતી માટે મહાવરો કરી તલવાર બાઝી શીખી હતી.

શૌર્ય ગાથા ગવાતી હોય ત્યારે રાજપૂત સમાજ તેમાં હંમેશા મોખરે હોય છે ત્યારે આ શૌર્ય ગાથા માઁ વપરાતી તલવાર હવે આજની પેઢી માટે લુપ્તતા ને આરે છે ત્યારે માઁ ની આરતીમાં તલવાર બાઝી કરી શૌર્ય ગાથા સાથે આરાધના કરવાની નર્મદાના આ રાજપૂત યુવક યુવતીઓનો પ્રયાસ ખરેખર અનુકરણીય છે કે જે માઁ આરાધના તો સમાયેલી છેજ પણ શૌર્યતાનું પ્રદર્શન પણ છે.