સેલવાસના વિનોબા ભાવે હોસ્પિટલની સામે ચાલુ ગાડીમાં ધૂમાડો નીકળ્યો હતો. આ જોઈ ગભરાયેલો સુરતનો પરિવાર ગાડી થોભાવી નીચે ઉતરી ગયો હતો. ગણતરીની મિનિટમાં આખી કાર આગની લપેટમાં આવી ગઈ હતી.
સેલવાસમાં ચાલુ કારમાં અચાનક લાગી આગ, સુરતના પરિવારનો બચાવ
ઈકો ગાડીમાંથી ધૂમાડાના ગોટેગોટા નીકળતો લોકો જોવા માટે ઉભા થઈ ગયા હતા. જેના કારણે હળવો ટ્રાફીક સર્જાયો હતો. ઘટનાની જાણ થતા જ ફાયર ફાયટરો ઘટનાસ્થળે પહોંચી આગ પર કાબૂ મેળવ્યો હતો. સુરતનો આ પરિવાર દમણ ફરીને સેલવાસના એક રીસોર્ટમાં જતાં હતાં. આ ઘટનામાં કોઈ જાનહાનિ થઈ નહોતી.
