મોરબીમાં રસીકરણ અભિયાનનો શુભારંભ

સમગ્ર ગુજરાત રાજ્ય સાથે મોરબીમાં પણ રસીકરણ અભિયાનનો શુભારંભ કરવામાં આવ્યો હતો. ત્યારે મોરબી ખાતે બે સેન્ટરમાં 100-100 લોકોને રસી આપવામાં આવી હતી. જેમાં પ્રથમ ડોઝ આરએસએસના પશ્ચિમ સંઘચાલક ડૉ. જયંતીભાઈ ભાડેશીયાને આપવામાં આવ્યો હતો.

• મોરબીમાં રસીકરણ અભિયાનનો પ્રારંભ
• આરએસએસ અગ્રણી ડૉ. જયંતી ભાડેશીયાને પ્રથમ ડોઝ
• જિલ્લાને પ્રથમ 5340 ડોઝનો સ્ટોક આપવામાં આવ્યો

મોરબી : જિલ્લામાં રસીકરણ અભિયાન અંતર્ગત જિલ્લાને પ્રથમ 5340 ડોઝનો સ્ટોક આપવામાં આવ્યો હતો. મોરબી જિલ્લામાં બે સેન્ટર પર રસીકરણ અભિયાન શરુ કરાયું હતું. જેમાં મોરબી સિવિલ હોસ્પિટલ અને હળવદના સાપકડા પ્રાથમિક આરોગ્ય કેન્દ્ર ખાતે વેક્સિન આપવામાં આવી હતી. જેમાં બંને સ્થળે 100-100 લોકોને કોરોના વોરિયર્સને રસી આપવામાં આવી હતી. જિલ્લામાં કુલ 4500 જેટલા કોરોના વોરિયર્સને પ્રથમ રાઉન્ડમાં વેક્સિન આપવામાં આવશે.

સિવિલ હોસ્પિટલ ખાતે અગ્રણીઓ ઉપસ્થિત રહ્યા

મોરબી સિવિલ હોસ્પિટલ ખાતે વેક્સિન અભિયાનના શુભારંભ પ્રસંગે સાંસદ મોહનભાઈ કુંડારિયા, જિલ્લા કલેકટર જે.બી પટેલ, અધિક કલેકટર કેતન જોશી, જિલ્લા આરોગ્ય અધિકારી ડૉ. જે.એમ કતીરા સહિતના અગ્રણીઓ ઉપસ્થિત રહ્યા હતા.