મોરબીના જાગૃત નાગરિક અને સામાજિક કાર્યકરે મુખ્યપ્રધાનને પાઠવેલા પત્રમાં જણાવ્યું હતું કે, અમારી રજૂઆત મોરબીની ગરીબ પ્રજાના હીત માટે છે. મોરબી જિલ્લાની એકમાત્ર સરકારી હોસ્પિટલ છે.
આ હોસ્પિટલમાં ડો.દુધરેજીયા સાહેબના વહીવટના કારણે ખોરંભે ચડેલ છે. તો બીજી તરફ સિવિલ હોસ્ટિપટલમાં ડોક્ટર ન હોવાથી પ્રાઈવટ હોસ્પિટલો ઉઘાડી લૂંટ ચલાવે છે. ત્યારે માં અમૃતમ કાર્ડનો ઉપયોગ થતો હોવા છતાં ખોટા ખર્ચમાં ઉતારી દેવામાં આવે છે.
વધુમાં જણાવતા કહ્યું હતું કે, સિવિલ હોસ્પિટલમાં પુરતો સ્ટાફ ન હોવાના કારણે દર્દીઓને મુશ્કેલીઓનો સામનો કરવો પડે છે. જેથી ડોક્ટર દુધરેજીયાની બદલી કરવામાં આવે અને વહીવટી સુધારા કરવામાં આવે. આમ સામાજીક કાર્યકરે આ પત્ર લખી મુખ્યમંત્રીને રજૂઆત કરી હતી. ઉલ્લેખનીય છે કે, અગાઉ પણ સિવિલ હોસ્પીટલમાં ડોકટરોની ભરતી તેમજ વહીવટ મામલે અનેક રજુઆતો કરવામાં આવી છે, ત્યારે હવે જોવાનું એ રહ્યું કે હવે સરકાર આ મામલે ગંભીરતા દાખવે છે કે, પછી જૈસે થે જેવી સ્થિતિ રહેશે.
