મોરબી : વાંકાનેરના વૃદ્ધનો કોરોના રીપોર્ટ પોઝિટિવ આવ્યા બાદ આરોગ્ય તંત્ર દ્વારા તુરંત વિસ્તારના 42 ઘરના 250 રહીશોને હોમ કોરોન્ટાઈન કરવામાં આવ્યા છે અને આ વિસ્તારમાં આરોગ્ય વિભાગે સર્વે કામગીરી શરુ કરી દીધી છે. કોરોના પોઝિટિવ આવેલા દર્દીનો પેટ્રોલપંપ અને વાડી છે તથા તેના વાડીમાં કામ કરતા તેમજ ઘરે કામ કરતા 13 લોકો અને પેટ્રોલ પંપના 3 લોકોને હોમ કોરોન્ટાઈન કરવામાં આવ્યા છે.
દર્દી વાંકાનેરના જેટલા લોકોના સંપર્કમાં આવ્યો હતો તેવા કુલ 20 લોકોને હોમ કોરોન્ટાઈન કરવામાં આવ્યા છે. આ ઉપરાંત આરોગ્ય વિભાગ દર્દીના સંપર્કમાં આવેલા વધુ લોકોની તપાસ કરી રહી છે.
