મળતી વિગત મુજબ, રાજકોટ મોરબી હાઇ-વે પર શનિવારના રોજ સાંજના સમયે રાજકોટથી કેરોસીન ભરીને આવતું GJ 03 at 3425 નંબરનું ટેન્કર હાઈ-વેની સાઈડમાં ખાડામાં ઉતરી ગયું હતું. તેમજ ટેન્કર ચાલકે કોઈ કારણોસર સ્ટીયરીંગ પરથી કાબુ ગુમાવી દેતા ટેન્કર રોડથી નીચે ઉતરી ગયું હતું.
હાઈ-વે નિર્માણ માટેનો સામાન પડ્યો હોય જેની ઓથે ટેન્કર લટકતું રહી ગયું હતું. બનાવને પગલે લોકોના ટોળે-ટોળા એકત્ર થઇ ગયા હતા પરંતુ ડ્રાઈવર ટ્રકની અંદર જ બેઠો હતો કે કોઈ કારણસર નીચે ન ઊતર્યો હતો. જેથી એકત્ર થયેલા લોકોએ તેને સમજાવી નીચે ઉતારવાનો પ્રયત્ન કર્યો હતો, પરંતુ અડધી કલાક જેટલો સમય વિત્યો હોવા છતાં ડ્રાઇવર નીચે ઉતર્યો નહોતો, આ બનાવમાં સદનસીબે કોઈ જાનહાની થઇ નથી.