મોરબી જીલ્લા પંચાયતની કારોબારી સમિતિની બેઠકમાં ગત તારીખ. 27-02-2019ની કારોબારી સમિતિની કાર્યવાહી નોંધને બહાલી આપવાના એજન્ડામાં કાર્યવાહી નોંધ સંબંધે સભ્યો તરફથી કોઈ સૂચનો કે વાંધા રજુના કરાતા બહાલી આપવામાં આવી હતી.
તેમજ તારીખ.27-02-2019 ની કારોબારી સમિતિની અમલવારી નોંધને બહાલી આપવા તથા ગત કારોબારી સમિતિના થયેલ ઠરાવોની અમલ્વારીને હાજર રહેલા સદસ્યો દ્વારા બહાલ રાખવા નિર્ણય કરવાના એજન્ડાને મંજુરીની મહોર લાગી છે.
આ ઉપરાંત કન્ટ્રકશન ઓફ વેટેનરી ડિસ્પેન્સરી એટ વિલેજ ચરાડવા તા. હળવદ તથા નવા દેવળિયા તા. હળવદ ખાતેની વેટેનરી ડિસ્પેન્સરી માટે મંજુરી આપવામાં આવી છે.
તદપરાંત જીલ્લા પંચાયત કચેરીના પદાધિકારીઓની ચેમ્બરમાં રીવોલ્વીંગ ખુરશી અને મુલાકાતીઓ માટે ખુરશી ખરીદી કરવી, કચેરી માટે ડસ્ટબિન ખરીદી કરવી, જીલ્લા પંચાયત મોરબીની ગાડીમાં સર્વિસ તેમજ ઈમરજન્સી લાઈટ નાખવા, ગાડીમાં ટોપ રીપેરીંગ કરવા, જીલ્લા વિકાસ અધિકારીના સરકારી ક્વાર્ટરમાં એસી ખરીદવા, તેમજ જીલ્લા પંચાયત મોરબી માટે સમાચાર પત્ર શરુ કરવા સહિતના એજન્ડાઓને બહાલી આપવામાં આવી હતી.
