મોરબી: શહેરના વાવડી રોડની રવિપાર્ક સોસાયટીમાં છેલ્લા ૧૧ મહિનાથી રહેતા નેપાળી પરિવારના વિષ્ણુભાઈના પત્ની તુલસીએ તેની ૯ માસની દીકરી પૂજા અને ૫ વર્ષની દીકરી સીર્જના બંનેનું ગળું દબાવી હત્યા કરી હતી અને ત્યારબાદ આત્મહત્યા કરી જીવન ટુંકાવ્યું હતું. આ બનાવની જાણ થતા ડીવાયએસપી રાધિકા ભારાઈ, એ ડીવીઝન પોલીસ ટીમ સ્થળ પર દોડી ગઈ હતી અને ઘટનાની તપાસ હાથ ધરી હતી.
જો કે પરિણીતાએ કયા કારણોસર પોતાની જ પુત્રીઓની હત્યા કરી તેનું કારણ હજી જાણી શકાયું નથી. હાલ પોલીસે આ મામલે ફરિયાદ નોંધવા તજવીજ હાથ ધરી છે. પરિણીતાના પતિ વિષ્ણુભાઈ શનાળા રોડ પરના લીજેંડ જીમમાં કામ કરતા હોવાનું જાણવા મળ્યું છે.
