નવી દિલ્હી: સુપ્રીમ કોર્ટે સોમવારે ગુજરાત હાઈકોર્ટને મોરબી પુલ તૂટી પડવાની ઘટના સાથે સંબંધિત તપાસ અને અન્ય પાસાઓ પર સમયાંતરે દેખરેખ રાખવા જણાવ્યું હતું. (SC says Gujarat Morbi Bride collapse incident)આ ઘટનામાં 140થી વધુ લોકોએ જીવ ગુમાવ્યા હતા. મુખ્ય ન્યાયાધીશ ડી.વાય. જસ્ટિસ ચંદ્રચુડ અને જસ્ટિસ હિમા કોહલીની ખંડપીઠે જણાવ્યું હતું કે, ગુજરાત હાઈકોર્ટના ચીફ જસ્ટિસની આગેવાની હેઠળની ડિવિઝન બેન્ચે આ ઘટના અંગે પહેલાથી જ સુઓ મોટુ સંજ્ઞાન લીધું છે અને અનેક આદેશો આપ્યા છે, તેથી હાલમાં તે અરજીઓ પર સુનાવણી કરશે નહીં.
લોકોના મોત: જો કે, તેણે જાહેર હિતની અરજી (PIL) અને અન્ય એક અરજદાર, જેમણે અકસ્માતમાં તેના બે સગાં ગુમાવ્યા હતા,(morbi bridge collapse) સ્વતંત્ર સીબીઆઈ તપાસ, પર્યાપ્ત વળતરની અરજીઓ સાથે હાઈકોર્ટમાં જવાની મંજૂરી આપી હતી. સર્વોચ્ચ અદાલતે એમ પણ કહ્યું કે, અરજદારો પછીથી તેનો સંપર્ક કરી શકે છે. મોરબીમાં મચ્છુ નદી પરનો બ્રિટિશ સમયનો પુલ 30 ઓક્ટોબરે તૂટી પડ્યો હતો, જેમાં 47 બાળકો સહિત 140 થી વધુ લોકોના મોત થયા હતા.
