મોરબીઃ મોરબીમાં ઝુલતા પુલની ( bridge collapse Accident Morbi ) તમામ પ્રકારની જવાબદારી ઓરેવા કંપનીને સોંપવામાં આવી હતી. આ માટેના જરૂરી કરાર પણ સરકારી ચોપડે નોંધાયેલા છે. પણ જ્યારથી આ ઘટના સામે આવી છે એ સમયથી આજ સુધી કંપનીના કહેવાતા પદાધિકારીઓ (morbi bridge collapse) મૌન બનીને બેઠા છે. કંપનીના મુખ્યાલયે જ્યારે તપાસ કરવામાં આવી ત્યારે કંપની પરિસરમાં બધુ યંત્રવત ચાલું હતું. જાણે કોઈની મોતનો પથ્થર જેવા માણસોને કંઈ અફસોસ જ ન હોય.
પોલીસ કેસ ફાઈલઃ કંપનીના જવાબદારી અધિકારીઓ સામે પગલાં લેવામાં આવ્યા છે. પોલીસે કાયદેસરની ફરિયાદ નોંધીને કામગીરી છે. આ કંપનીના મેનેજર સહિત કુલ 9 વ્યક્તિઓની અટકાયત કરવામાં આવી છે. પોલીસે આ તમામ સામે કાયદેસરની પૂછપરછ શરૂ કરી દીધી છે. રૂપિયા 15ની ટિકિટ લઈને ઝુલતા પુલમાં મજા લેવા આવેલા લોકોને ક્યાં એવી ખબર હતી કે, આ ટિકિટ મોતની ટિકિટ બની જશે. હવે વાત એવી પણ સામે આવી છે કે, ઝુલતા પુલમાં એની ક્ષમતા કરતા વધારે લોકોને પ્રવેશ આપી દેવામાં આવ્યો હતો. જેના કારણે આવી સ્થિતિ ઊભી થઈ હતી.
રાજ્ય વ્યાપી શોકઃ સોમવારે પણ રેસક્યુ ઑપરેશન ચાલું રાખવામાં આવ્યું હતું. જેમાં નદીમાં રહેલી ઝાડીઓ વચ્ચેથી મૃતદેહને બહાર કાઢવામાં આવ્યા હતા. સમગ્ર સ્થિતિને ધ્યાને લઈને મુખ્યપ્રધાન ભૂપેન્દ્ર પટેલે મોરબીમાં જ ઉચ્ચ અધિકારીઓ સાથે તાત્કાલિક બેઠક યોજી હતી. એ પછી ગાંધીનગરમાં વડાપ્રધાન મોદી સાથે બેઠક થયા બાદ તારીખ તારીખ 2 નવેમ્બરના રોજ રાજ્યવ્યાપી શોક પાડવાનું એલાન કર્યું છે. હકીકત એવી પણ છે કે, જ્યારથી આ ઘટના બની છે ત્યારથી સમગ્ર મોરબી સુમશાન છે. જાણે સ્મશાન જેવી શાંતિ શહેરમાં પથરાઈ ગઈ હોય એવા ચિત્રો જોવા મળ્યા છે. મૃતકોમાં કુલ 51 બાળકોનો સમાવેશ થાય છે. મૃતકોમાં મોરબીના 100, રાજકોટના 15, જામગરના 5, કચ્છના 5, સુરેન્દ્રનગરના 4, અમદાવાદ 4 અને દ્વારકાની એક વ્યક્તિનો સમાવેશ થાય છે.
