મોરબી : જિલ્લા ગ્રાહક સુરક્ષા મંડળ પ્રમુખ લાલજીભાઈ મહેતાએ રજૂઆત કરતા જણાવ્યું કે સામાકાંઠે આવેલા રોટરીનગર, રીલીફનગર, અરુણોદયનગર, જનકલ્યાણ, વર્ધમાન, ભીમસર સહિતના વિસ્તારના રહેણાંક મકાનોમાં વીજ ગ્રાહકોને વારંવાર અંધારપટમાં રહેવું પડે છે.
વર્ષોથી જૂની સર્વિસ લાઈન છે. વાવાઝોડા કે વરસાદ સમયે પોલથી લાઈટ જાય છે અને ગ્રાહકોને વારંવાર સમસ્યા ભોગવવી પડે છે. લાઈટ જતા સમયે વીજ કર્મચારી થુંકના સાંધા કરી જાય છે. નવી સર્વિસ લાઈન નાખવામાં આવતી નથી. દરેક ગ્રાહક નિયમિત બીલ ભરે છે તો ગ્રાહકને પૂરી સેવા આપવી તે વીજ કંપનીની ફરજ છે. વરસાદની સીઝન શરુ થઇ છે, ત્યારે દરેક શેરી મહોલ્લામાં સર્વિસ લાઈન નવી નાખવા અંગે ઉચ્ચ કક્ષાએ રજૂઆત કરી છે.
