હાર્દિક પટેલ પરના હુમલા અંગે મોરબી પાસની તીખી પ્રતિક્રિયા

મોરબીઃ કોંગ્રેસના સ્ટાર પ્રચારક હાર્દિક પટેલ પર સુરેન્દ્રનગરમાં હુમલો થયો તે અંગે મોરબી પાસની ટીમે તીખી પ્રતિક્રિયા આપી છે.  પાસ નેતાએ કહ્યું કે, આ ઘટનાનો મતદાન કરીને યોગ્ય પ્રત્યુત્તર આપીશું.

લોકસભાની ચૂંટણીને હવે ગણતરીના દિવસો બાકી રહ્યા છે, ત્યારે કોંગ્રેસના સ્ટાર પ્રચારક હાર્દિક પટેલ આજે સુરેન્દ્રનગર ખાતે કોંગ્રેસનો પ્રચાર કરી રહ્યા હતા. ત્યારે એક યુવાને આવી અને હાર્દિક પટેલને એક તમાચો માર્યો હતો. જેને લીધે વાતાવરણ ગરમાયું હતું. જે તમાચો મારનાર યુવાનને પણ પછી ત્યાં રહેલા લોકોએ માર માર્યો હતો. આ હુમલા બાદ વાતાવરણ ગરમાયું હતું.

ત્યારે હાર્દિકની આજ રોજ સાંજે મોરબી સભા થવાની છે. ત્યારે ત્યાં આવું કોઈ અનિચ્છનીય બનાવ ન બને તે માટે મોરબી પાસની ટીમે પૂરતી તૈયારી કરી છે. આ હુમલો ભાજપના આગેવાનો દ્વારા કરવામાં આવ્યો છે. તેવો આક્ષેપ પણ કરવામાં આવ્યો છે. મત આપી તેમને યોગ્ય જવાબ આપવામાં આવશે.