મોરબીમાં વેરા સમાધાન યોજના વિશે સેમિનાર યોજાયો

મોરબી: શહેરમાં સિરામિક એસોસિયેશન અને GST ડિપાર્ટમેન્ટના સંયુક્ત ઉપક્રમે રાજ્ય સરકાર તરફથી જાહેર કરેલ વેરા સમાધાન યોજના 2019 વિશે સંપૂર્ણ માહિતી આપવા મોરબી સિરામિક એસોસિએશન હોલ ખાતે સેમીનાર યોજવામાં આવ્યો હતો.

મોરબીમાં વેરા સમાધાન યોજના વિષે માહિતી આપવા સેમીનાર યોજાયો હતો. સેમિનારમાં SGST જોઇન્ટ કમિશનર ત્રિવેદી, જોઇન્ટ કમિશ્નર શેખ, ડેપ્યુટી કમિશ્નર ડૉ. બી. કે. પટેલ અને ડેપ્યુટી કમિશ્નર ગોયાણી સહિતના હાજર રહીને નવી સ્કીમ વિશે ઉદ્યોગકારોને માહિતી આપવામાં આવી હતી. જેમાં રાજ્ય સરકારની વેરા સમાધાન યોજના વિશે ઉદ્યોગકારોના વિવિધ પ્રશ્નોના જવાબો આપીને સમાધાન કરવામાં આવ્યું હતું.

સિરામિક ઉદ્યોગનો સી ફોર્મનો મુખ્ય પ્રશ્ન હોય. જેમાં વેરીફીકેશન ઈશ્યુ વિષે માહિતી આપી હતી અને યોજના અનુસાર વેરીફાયના થયું હોય, તો 50ટકા ટેક્ષ ભરીને સમાધાન થઇ સકે છે. તેમજ આ રકમ ITIમાંથી મળશે. તેવી જરૂરી માહિતી આપી હતી. સેમીનાર વિશે સિરામિક એસો પ્રમુખ જણાવે છે કે, અગાઉની સ્કિમમાં રહેલી ક્ષતિઓ નિવારવા માટે રાજ્ય સરકારને રજૂઆત કરી હતી અને 2019માં જે વેરા સમાધાન યોજના લાગુ કરી છે. તે ફાયદાકારક છે, જેના વિષે માહિતી આપવા સેમીનાર યોજાયો હતો. જેનો લાભ મોટી સંખ્યામાં ઉદ્યોગપતિઓ અને વેપારીઓએ લીધો હતો.