મહેસાણામાં સવારે 7 વાગ્યાથી મતદાનની શરૂઆત

મહેસાણામાં આજે સ્થાનિક સ્વરાજની ચૂંટણીને પગલે વહેલી સવારથી જ મતદાન શરુ થઇ ગયું છે. ત્યારે જિલ્લા પંચાયત, 10 તાલુકા પંચાયત તેમજ મહેસાણા, ઊંઝા, કડી અને વિસનગરની નગરપાલિકાની ચૂંટણી પર મતદાન શરુ થઇ ગયું છે.

• સ્થાનિક સ્વરાજની ચૂંટણીને પગલે વહેલી સવારથી મતદાનની શરુઆત
• મતદાન મથકોને પુરી તૈયારી સાથે સજ્જ કરી દેવાયા
• સવારે 7થી સાંજે 6 કલાક સુધી યોજાશે મતદાન

મહેસાણા: જિલ્લામાં સ્થાનિક સ્વરાજની ચૂંટણીને પગલે વહેલી સવારથી જ મતદાન મથકોને પુરી તૈયારી સાથે સજ્જ કરી દેવામાં આવ્યાં હતા. જે બાદ સવારે 7 કલાકેથી મતદાન શરુ કરવામાં આવ્યું હતું, ત્યારે શરૂઆતમાં જ ઉમેદવારો સહિત વયોવૃદ્ધ અને ફસ્ટ વોટરો સહિતના મતદારો મતદાન કરવા પહોંચ્યા હતા. અહીં તમામ મતદારોને માસ્ક આપી સેનેટાઈઝર કરાવી અને ગ્લવઝ પહેરાવી નિયમાનુસાર મતદાન કરાવવામાં આવ્યું હતું.

મહેસાણામાં મતદાનની શરૂઆત

ચૂંટણી પહેલાં જ 38 બેઠકો બિનહરીફ

મહેસાણામાં મતદાનની શરૂઆત

જિલ્લા પંચાયત, 10 તાલુકા પંચાયત તેમજ મહેસાણા, ઊંઝા, કડી અને વિસનગર પાલિકાની ચૂંટણીમાં 923 ઉમેદવારોનું ભાવિ 16,37,155 મતદારો નક્કી કરશે. ચૂંટણી પહેલાં જ 38 બેઠકો બિનહરીફ થતાં હવે 410 બેઠકો પર ચૂંટણી જંગ જામ્યો છે. 425 સંવેદનશીલ અને 118 અતિ સંવેદનશીલ મળી 1,814 મતદાન મથકો પર પોલીસફોર્સ સવારે 7થી સાંજના 6 વાગ્યા સુધી મતદાન મથકે રહેશે.