મહેસાણામાં વિસનગર લિંક રોડ પર આવેલી અમનપાર્ક સોસાયટીમાં રહેતી નસીમ મન્સૂરીએ 8 વર્ષ પહેલા ઇમરાન સાથે લગ્ન કર્યા હતા. 8 વર્ષના લગ્નજીવન બાદ અચાનક નસીમ મન્સૂરીએ ઘરમાં કોઈ હાજર ન હતા ત્યારે કોઈ અગમ્ય કારણોસર પંખે લટકી ગળે ફાંસો ખાઈ જીવન ટૂંકાવ્યુ છે. પરંતુ શિક્ષિકા મહિલાના અપમૃત્યુ બાદ મહેસાણા દોડી આવેલા મૃતકના પિતાએ સાસરિયાઓ દ્વારા દીકરીને માનસિક ત્રાસ અપાતો હોવાની અને 10 લાખ રૂપિયા માંગ્યાનો આક્ષેપ કર્યો છે.
મૃતક નશીમના પિતાએ તેમની દીકરીના અપમૃત્યુ માટે પતિ ઇમરાન અને સાસુ સસરાની દુસ્પ્રેરણાને જવાબદાર ઠેરાવી છે. ત્યારે પોલીસે મહિલાના શંકાસ્પદ અપમૃત્યુ કેસમાં મહેસાણા સિવિલ હોસ્પિટલ ખાતે પેનલ પોસમોર્ટમ કરાવી ફરિયાદીની ફરિયાદ આધારે વધુ તપાસ હાથ ધરી છે.
