નવલા નોરતાના પાંચમના ગરબાની વિસનગરમાં રમઝટ

મહેસાણા: ભારત વિવિધતા સભર દેશ છે. જ્યાં દરેક ધર્મના તહેવારોની ધામધૂમથી ઉજવણી થતી હોય છે. હિન્દૂ ધર્મ વિધિ વિધાન પ્રમાણે વર્ષોથી ચાલી આવતી નવરાત્રીની પરંપરા આજે મોર્ડન રીતભાતથી ઉજવાઈ રહી છે. માતાજીની આરાધના સાથે શક્તિનું પ્રદર્શન કરતા માતાજીના આર્શીવાદથી પાંચમા નોરતાની ઉજવણી કરતા વિસનગરના ખેલૈયાઓએ ટ્રેડિશનલ વસ્ત્રો પરિધાન ધારણ કરી મન ભરીને ઢોલના ધબકારે અને સુરોના તાલે રસ ગરબાનો આનંદ માણ્યો હતો.

નવરાત્રીના શરૂઆતના ત્રણ દિવસ ખેલૈયાઓ ગરબાની પુરી તૈયારી સાથે તૈયાર હતા, ત્યાં વરસાદ ગરબામાં વિઘ્ન બન્યો હતો. હવે નવરાત્રીના માત્ર ચાર જ દિવસ બાકી હોઈ ખેલૈયાઓ તન મનથી ભરપૂર નવરાત્રીનો આંનદ માણતા પાર્ટી પ્લોટ અને શેરી મહોલ્લામાં પોતાના અવનવા ગરબાના સ્ટેપ રજૂ કરી આકર્ષણ જમાવી રહ્યા છે. જેના એક ભાગ રૂપે વિસનગર ભાજપ સંગઠન દ્વારા આયોજીત ગરબા મહોત્સવમાં મોટી સંખ્યામાં માનવ મહેરામણ ઉમટ્યૂ હતું.