મહેસાણા: જિલ્લામાં નવા પાંચ કેસ કોરોના પોઝિટિવ નોંધાયા છે, ત્યાં જિલ્લા માટે સારા સમાચારની જો વાત કરીએ તો વડનગર સિવિલ હોસ્પિટલ ખાતે ભારતભરનો પહેલો બનાવ કહી શકાય તેવા મોલીપુર ગામના હસુમતી પરમાર અને તેમના નવજાત બે બાળકો કોરોનાને માત આપી સ્વસ્થ થઈ ઘરે પરત ફર્યા છે.
આ કેસમાં મહિલા ગર્ભવસ્થામાં જ કોરોનાગ્રસ્ત થયા હતા. જે બાદ તેમણે કોવિડ હોસ્પિટલમાં જ પોતાના દિકરા-દિકરીને જોડિયા બાળક તરીકે જન્મ આપ્યો હતો. તેમના બાળક જન્મજાત કોરોનાગ્રસ્ત થયા હતાં. જે ભારત દેશમાં પહેલા દિવસનું બાળક કોરોનાગ્રસ્ત થયાનો પહેલો કિસ્સો હતો.
વડનગર સિવિલમાં મહિલા પોતાના ટ્વિન્સ બેબી સાથે કોરોના મુક્ત થઈ પરત ફરી
જ્યારે વડનગર મેડિકલ હોસ્પિટલ અને કોવિડ-19ની ટીમ દ્વારા એક માતા અને તેમના ટ્વીન્સ બેબીને સ્વસ્થ બનાવી તેમના ઘરે જવા ખુશીઓ ભરી વિદાય આપી સન્માન આપ્યું હતું.
