મહીસાગરઃ જિલ્લામાં 181 મહિલા હેલ્પલાઇનના કાઉન્સેલર દિપીકાબેન ડોડીયાર, કોન્સ્ટેબલ નીલમબેન તથા પાઇલોટ રમેશભાઇને ફરજ દરમ્યાન પંચમહાલ ગોધરાની 181 મહિલા હેલ્પલાઇન રેસક્યુ વાન દ્વારા કોલ મળ્યો હતો. જેમાં જણાવેલ કે, એક 23 વર્ષના બહેન માનસીક અસ્વસ્થ હોય તેમ જણાય છે અને ત્યાં કોઇ આવી મહીલાઓ માટે કોઇ એન.જી.ઓની સુવિધા ન હોવાના કારણોસર કોલ મળ્યા બાદ 181 મહિલા હેલ્પલાઇનની ટીમ દ્વારા તાત્કાલીક ધોરણે તે બહેનનો હવાલો લઇ તેમનું કાઉન્સેલીંગ કર્યું હતું.
મહિલા માનસિક અસ્વસ્થ જણાંતા બહેન ગુજરાત બહારના હોય તેવી ભાષા પહેરવેશ પરથી જણાઇ આવ્યું હતું. તેથી તેમને સુરક્ષિત જગ્યાએ જયાં તેમને તમામ સેવાઓ મળી રહે તે માટે સ્વૈચ્છિક સંસ્થાઓમાં મુકવાનો નિર્ણય કરવામાં આવ્યો અને બાયડ ખાતે આવેલ જય અંબે મંદબુધ્ધિ સમાજ સેવા ટ્રસ્ટમાં તેમની માનસિક સારવાર માટે તે બહેનનું પુનઃસ્થાપન કરવામાં આવ્યું છે. આવી જ ઉત્કૃષ્ટ સેવાઓ સાથે ગુજરાતમાં કાર્યરત 181 મહિલા હેલ્પલાઇ ટીમ સંકટ સમયની સાંકળ બનીને લાચાર, નિરાધાર તેમજ પીડિત મહિલા માટે સંજીવની સમાન બની રહી છે.
