મહીસાગરઃ જિલ્લામાં કોરોના પોઝિટિવ કેસમાં સતત વધારો થઈ રહ્યો છે. રવિવારના રોજ જિલ્લામાં કોરોનાના નવા 8 પોઝિટિવ કેસ નોંધાયા છે. જેમાં બાલાસિનોરમાં 4, સંતરામપુરમાં 3, અને લુણાવાડામાં 1 કેસ સામેલ છે. નવા નોંધાયેલા 8 પોઝિટિવ કેસ મળીને કુલ પોઝિટિવ કેસની સંખ્યા 674 થઈ છે.
મહીસાગર કોરોના અપડેટ
- કુલ પોઝિટિવ કેસ - 674
- કુલ સક્રિય કેસ - 74
- કુલ ડિસ્ચાર્જ - 564
- કુલ મોત - 36
મહીસાગર જિલ્લામાં કોરોના પોઝિટિવ કેસની સંખ્યામાં સતત વધારો થઈ રહ્યો છે. રવિવારના રોજ જિલ્લામાં કોરોનાના 8 નવા પોઝિટિવ કેસ નોંધાયા છે. રવિવારે વધુ 9 દર્દીઓ સ્વસ્થ થતા અત્યાર સુધી જિલ્લામાં 564 દર્દીઓએ કોરોનાને માત આપી છે. જેથી આ તમામ લોકોને ડિસ્ચાર્જ કરવામાં આવ્યા છે. આ ઉપરાંત જિલ્લામાં અત્યાર સુધી કુલ 36 લોકોએ કોરોનાના કારણે જીવ ગુમાવ્યો છે. કોરોનાને ધ્યાનમાં રાખી જિલ્લામાં 410 વ્યક્તિઓને હોમ ક્વોરોન્ટાઈન કરવામાં આવ્યા છે.
મહીસાગર જિલ્લામાં કોરોનાના 15 દર્દીઓ KSP હોસ્પિટલ-બાલાસિનોર, 6 દર્દી જનરલ હોસ્પિટલ-લુણાવાડા, 4 દર્દી શીતલ નર્સીંગ હોમ-લુણાવાડા, 8 દર્દીઓ SDH સંતરામપુર, 15 દર્દીઓ હોમ આઈસોલેશન તેમજ અન્ય 16 દર્દીઓ જિલ્લા બહાર સારવાર લઈ રહ્યા છે. આ ઉપરાંત જિલ્લામાં કોરોના પોઝિટિવ 70 દર્દીઓ સ્થિર હાલતમાં છે, જ્યારે 3 દર્દી ઓક્સિજન પર અને 1 દર્દીને વેન્ટીલેટર પર રાખવામાં આવ્યો છે. જેથી હાલ જિલ્લામાં 74 દર્દીઓ સારવાર હેઠળ છે.
