- મહીસાગર જિલ્લા પંચાયત કચેરીમાં કોરોનાની એન્ટ્રી
- જિલ્લા પંચાયત કર્મચારીનો કોરોના રીપોર્ટ પોઝિટિવ આવ્યો
- તંત્ર દ્વારા સેનિટાઈઝેશનની પ્રક્રિયા હાથ ધરવામાં આવી
- કર્મચારીને કોરોના આવતા પંચાયત કચેરીની 7 શાખા ત્રણ દિવસ માટે બંધ
- સંપર્કમાં આવેલા કર્મચારીઓને પણ 3 દિવસ માટે હોમ ક્વોરોન્ટાઈન કરાયા
- કોરોના પોઝિટિવ કેસની સંખ્યામાં વધારો થતા આરોગ્ય વિભાગ સતર્ક બન્યું
લુણાવાડા: જિલ્લા પંચાયત કચેરીની હિસાબી શાખાના કર્મચારીને કોરોના પોઝિટિવ આવતા જિલ્લા આરોગ્ય અધિકારીની સૂચના મુજબ જિલ્લા પંચાયત કચેરીની 7 શાખાઓ ત્રણ દિવસ માટે બંધ કરવામાં આવી છે. સંપર્કમાં આવેલા બાંધકામ શાખા, હિસાબી શાખા, વિકાસ શાખા, મહેકમ શાખા, પંચાયત શાખા, ઈ-ગ્રામ શાખા, તથા વીડિયો કોન્ફરન્સ રૂમ આગામી ત્રણ દિવસ માટે બંધ રખાશે. સંપર્કમાં આવેલા અધિકારીઓ-કર્મચારીઓને પણ ત્રણ દિવસ માટે હોમ ક્વોરન્ટાઈન કરવામાં આવ્યા છે. કોરોના કેસની સંખ્યામાં વધારો થતા જિલ્લા આરોગ્ય વિભાગ સતર્ક બન્યું છે અને તંત્ર દ્વારા સેનિટાઈઝ પ્રક્રિયા હાથ ધરવામાં આવી છે.
મોલ, મોટી કાપડની દુકાનોમાં કોરોના ટેસ્ટ કરવામાં આવ્યા
જિલ્લામાં કોરોના સંક્રમણને અટકાવવા તંત્ર દ્વારા કોરોના સુપર સ્પ્રેડર માટેની સ્પેશિયલ ડ્રાઈવ આજે ગુરુવારે યોજવામાં આવી હતી, જેમાં મોટા મોલ, મોટી કાપડની દુકાનોમાં અને જ્યાં ભીડ થતી હોય તેવી જગ્યાએ લોકોના કોરોના ટેસ્ટ કરવામાં આવ્યા હતા. આથી કોરોના સંક્રમિત દર્દીઓને શોધી તેમને સારવાર આપી સ્વસ્થ કરી શકાય.
