ભૂજમાં નાગરિક સમિતિ દ્વારા CAAના સમર્થનમાં વિશાળ રેલીનું આયોજન

કચ્છના પાટનગર ભૂજ ખાતે આજે નાગરિક સમિતિ દ્વારા નાગરિકતા સંશોધન કાયદાના (CAA) સમર્થનમાં એક વિશાળ રેલીનું આયોજન કરવામાં આવ્યું હતું. આ રેલીમાં ગોરધનભાઈ ઝડફિયા, પ્રધાન દિલીપ ઠાકોર, વાસણ આહીર તેમજ કચ્છના સાંસદ વિનોદ ચાવડા સહિતના અગ્રણીઓ અને વિશાળ સંખ્યામાં લોકો જોડાયા હતા.

ભૂજ: ગુજરાત જ્યુબેલી સર્કલ પાસે હોટલ વિરમગામ ખાતે વિશાળ જનસભા યોજાઈ હતી. જેમાં સંતો-મહંતો અને નાગરિકો મોટી સંખ્યામાં ઉપસ્થિત રહ્યા હતાં. આ જનસભા બાદ યાત્રા શરૂ કરવામાં આવી હતી. જે બસ સ્ટેશન માર્ગ થઈને શહેરના હમીરસર તળાવના કિનારે થઈને ટાઉનહોલ ખાતે પૂર્ણ થઈ હતી.