કચ્છના કોટડા ચકાર ગામમાં થોડાક સમય પહેલાં લગાડવામાં આવેલ પેવર બ્લોક પાછા ઊખેડાતા ઉઠયાં અનેક સવાલ

ભુજ તાલુકાના કોટડા ચકાર ગામમાં ગ્રામ પંચાયત દ્વારા વિકાસના કાર્યોમાં પેવર બ્લોકની અનેક જગ્યાએ કામગીરી કરવામાં આવી હતી અને તેના જ ભાગરૂપે ગામની નાની બજારમાં પંચાયત દ્વારા થોડાક સમય પહેલાં પેવર બ્લોકનું કામ કરવામાં આવ્યું હતું. પરંતુ આ કામમાં ભ્રષ્ટાચાર થયો હોવાનો આક્ષેપ ગ્રામ પંચાયતના જ સભ્ય મહેન્દ્રભાઈ લીંબાણી દ્વારા કરવામાં આવ્યું હતું.

• ગામમાં થોડો સમય અગાઉ જ લગાવવામાં આવેલ પેવર બ્લોક પાછા ઉખેડવામાં આવ્યા
• સ્થાનિક લોકોએ સરપંચ પર ભ્રષ્ટાચારના આક્ષેપ કર્યા
• ગુરુવાર સવારથી જ કામગીરીથી લોકોમાં ચકચાર

કચ્છ: જિલ્લાના ભુજ તાલુકાના કોટડા ચકાર ગામના નાની બજારમાં ગ્રામ પંચાયત દ્વારા થોડો સમય અગાઉ જ પેવર બ્લોક લગાવવામાં આવેલ પરંતુ હવે ગ્રામ પંચાયત દ્વારા જ અચાનક પેવર બ્લોક પાછા ઉખેડવામાં આવી રહ્યા છે. ગ્રામ પંચાયતના જ સભ્ય દ્વારા આરોપ લગાવવામાં આવ્યા હતો કે, આ પેવર બ્લોકના કામમાં ભ્રષ્ટાચાર સરપંચ દ્વારા કરવામાં આવી રહ્યો છે. આ બાબતે સરપંચે ખુલાસો આપતા જણાવ્યું હતું કે, "પેવરબ્લોક નીચે ગટર લાઈન બેસી જતાં આ પેવર બ્લોક પાછા ઉખેડવામાં આવી રહ્યા છે".

સરકારી નિયમો પ્રમાણે આ કામમાં મટીરીયલનો ઉપયોગ ન કરાયાનો આક્ષેપ

ગ્રામ પંચાયતના સદસ્યનું કહેવું છે કે, "ગામમાં અનેક કામોમાં ભ્રષ્ટાચાર કરવામાં આવ્યું છે અને સરપંચનું આ અંગે ધ્યાન પણ દોરવામાં આવ્યું હતું. આ પેવર બ્લોકના કામમાં કાળી બજરીનો ઉપયોગ કરવામાં આવ્યો છે. સરકારી નિયમો પ્રમાણે આ કામમાં રેતીનો ઉપયોગ કરવાનો હોય છે અને આ કામમાં રેતીનો ઉપયોગ નથી થયો અને નબળી ગુણવતાના ઇન્ટરલોકનો ઉપયોગ કરવામાં આવ્યો છે અને એ જ કારણે આ કામનું પેમેન્ટ અટક્યું છે".

યોગ્ય તપાસ કરવા ગ્રામ પંચાયતના સભ્યએ વિવિધ અધિકારી સમક્ષ કરી રજૂઆત

આ કાર્યમાં સરપંચ દ્વારા ભ્રષ્ટાચાર કરવામાં આવ્યો હોવાના આક્ષેપ સાથે ગ્રામ પંચાયતના સભ્ય દ્વારા તાલુકા વિકાસ અધિકારી, જિલ્લા વિકાસ અધિકારી, કલેકટર, નાયબ મુખ્યપ્રધાન અને મુખ્યપ્રધાનને અરજી કરવામાં આવી હતી. જેમાં નાયબ મુખ્યપ્રધાન દ્વારા જવાબ આપવામાં આવ્યું હતું કે, આ અંગે યોગ્ય તપાસ કરવામાં આવશે.પરંતુ આજ દિવસ સુધી કોઈ પણ જાતની તપાસ કરવામાં આવી નથી.

આ પણ વાંચો : Tokyo Paralympics 2020: પેરા શૂટર અવની લેખરાએ કરી કમાલ, ગૉલ્ડ બાદ હવે જીત્યો બ્રોન્ઝ મેડલ

સ્થાનિક લોકોમાં પણ પેવર બ્લોક પાછા ઉખેડાતા મચી ચકચાર

આ ઉપરાંત સ્થાનિક લોકોનું પણ કહેવું છે કે,"આવી ઘટના પહેલી વાર જોવા મળી છે કે કોઈ કાર્ય થઈ ગયું હોય અને એ કામ પાછું ઉખેડવામા આવતું હોય. સરપંચ દ્વારા ગ્રાન્ટ પણ મંજૂર થઈ ગઈ હોય અને પૈસા પણ આવી ગયા હોય અને હવે આ પેવર બ્લોક પાછા ઊખેડવામાં આવી રહ્યું છે શું કારણ હોઇ શકે એ તો સરપંચ ને જ ખબર પણ ક્યાંક ને ક્યાંક ભ્રષ્ટાચાર કરવામાં આવ્યું હોય તેવું ગામના લોકોએ જણાવ્યું હતું".

સરપંચે કર્યો ખુલાસો

સરપંચે ખુલાસો આપતા જણાવ્યું હતું કે, "પેવરબ્લોક નીચે ગટર લાઈન બેસી જતાં આ પેવર બ્લોક પાછા ઉખેડવામાં આવી રહ્યા છે અને આ કામમાં બજરીનો અને રેતીનો બંનેનો ઉપયોગ કરવામાં આવ્યો જ છે અને વિરોધીઓનું કામ આક્ષેપો કરવાનું છે".

સ્થાનિક લોકોના ઘર પાસે ઇન્ટરલોકના કામ કરવા માટે પણ સરપંચ દ્વારા રૂપિયા લેવામાં આવતા હોય છે: સ્થાનિક

સરકારી નિયમો પ્રમાણે પેવર બ્લોકના કામમાં જે મટીરીયલ વાપરવું જોઈએ તે વાપરવામાં નથી આવ્યું તથા નબળી ગુણવત્તાના પેવર બ્લોકનો ઉપયોગ કરવામાં આવ્યું છે.આ ઉપરાંત ગામમાં સ્થાનિક લોકોના ઘર પાસે ઇન્ટરલોક ના કામ કરવા માટે પણ સરપંચ દ્વારા રૂપિયા લેવામાં આવતા હોય છે અને સરકાર પાસેથી પણ રૂપિયા લેવામાં આવતા હોય છે તેવો આક્ષેપ ગામના લોકો દ્વારા કરવામાં આવ્યો હતી.

આ પણ વાંચો : Rain Update: આગામી 24 કલાક ગુજરાતમાં ભારે વરસાદની આગાહી

જાણો સરપંચે શું કર્યો ખુલાસો?

આ સમગ્ર ઘટના અંગે ગામના સરપંચ નરશીભાઈ ભગતે ખુલાસો આપતા જણાવ્યું હતું કે, આ કામ કરવામાં આવ્યું એ પહેલાં અહીં ગટરલાઈનનું કામ કરવામાં આવ્યું હતું પરંતુ આ ગટરલાઈન બેસી જતા ગ્રામ પંચાયતના સભ્ય દ્વારા તાલુકા પંચાયતમાં અરજી કરવામાં આવી હતી કે આની અંદર બજરી વાપરવામાં આવી હતી અને એસ્ટીમેટ માં રેતી લખેલી છે માટે તાલુકા વિકાસ અધિકારીએ આ કાર્યમાં રેતીનો ઉપયોગ કરવા માટેનો હુકમ કરવામાં આવ્યો હતો અને મે તેમને કહ્યું કે હું આમ પણ આ પેવર બ્લોક ઉખેડવાનો છું માટે એમાં હવે રેતીનો ઉપયોગ કરવામાં આવશે. અને જાહેરજીવનનો વ્યક્તિ છું અને છેલ્લાં પંદરેક વર્ષોથી અમારી બોડી આ વિસ્તારમાં કાર્યરત છે અને કેટલાક વિરોધી લોકોને વિકાસના કાર્યો જોઈને મજા ના આવતી હોય એટલે આક્ષેપો કરવામાં આવતા હોય છે.