કચ્છ: જિલ્લા કલેકટરે પ્રવીણા ડી કે એ જણાવ્યુ હતું કે સરકારની માર્ગદર્શિકા મુજબ વિવિધ છુટછાટ અપવામાં આવી છે. ત્યારે ખાસ કરીને નિયમના અમલીકરણની જવાબદારી નાગરિકોની છે. તંત્ર ચોકકસ કાર્યવાહી કરે છે. પણ લોકોએ તેમાં સહકાર આપવો જોઈએ.
જે પૈકી 65 વર્ષથી વધુ ઉંમરની વ્યકિતઓ, બિમાર વ્યકિતઓ, ગર્ભવતી મહિલાઓ તથા 10 વર્ષથી ઓછી ઉંમરના બાળકોએ ઘરમાં જ રહેવું આવશ્યક જરૂરિયાતો કે આરોગ્યના કારણોસર જ લોકોએ બહાર નીકળવું તે સિવાય નહીં.
ભારત સરકાર દ્વારા બનાવેલe ‘‘આરોગ્ય સેતુ’’ એપ્લીકેશન ‘એપ’ ડાઉનલોડ કરી ઈન્સ્ટોલ કરવી. આવશ્યક ચીજવસ્તુ લેવા જતી વખતે સામાજિક અંતર જાળવવું. જાહેર સ્થળોએ ચહેરો ઢાંકવાનું ફરજીયાત છે. માસ્ક પહેરવો ફરજીયાત છે. વિશાળ સંખ્યામાં લોકોની હાજરીવાળી મીટીંગ મુલાકાત ટાળવાની રહેશે. તેમજ સરકારની વખતોવખત અપાતી સૂચનાઓનું ચુસ્તપણે પાલન કરવું એમ કચ્છ કલેકટર અને જિલ્લા મેજીસ્ટ્રેટ પ્રવીણા ડી.કે. દ્વારા જણાવવામાં આવ્યું હતું.
