કચ્છ : રાજ્યમાં આજે દિવસભર વાદળછાયું વાતાવરણ જોવા મળશે. તો રાજ્યમાં 1લી ફેબ્રુઆરીથી 3 ફેબ્રુઆરીમાં કમોસમી વરસાદની (Unseasonal Rain in Gujarat) શક્યતા પણ છે. વેસ્ટર્ન ડિસ્ટર્બન્સને કારણે રાજ્યમાં કમોસમી માવઠા દરમિયાન માત્ર વરસાદની સાથે સાથે કરા પણ પડી શકે છે. આ ઉપરાંત 10મી ફેબ્રુઆરી થી 17 ફેબ્રુઆરી વચ્ચે ફરી હવામાનમાં પલટો આવશે.
પવનની દિશા બદલાતા ઠંડીથી હાલ આંશિક રાહત મળવાની શક્યતા
રાજ્યમાં પવનની દિશા બદલાતા હવે ઠંડીનું પ્રમાણ ઘટી રહ્યું છે. રાજ્યમાં 2-3 દિવસ બાદ ઠંડીમા 2 થી 4 ડિગ્રીનો વધારો થશે. તો આજે તમામ જિલ્લાઓમાં ખુલ્લું(Gujarat Weather Report) વાતાવરણ જોવા મળશે.
આ પણ વાંચોઃ winter woolen market in Junagadh: જુનાગઢમાં વધી રહેલી ઠંડીના કારણે ગરમ કપડાંની માર્કેટમાં જોવા મળી તેજી
સૌથી ઓછું તાપમાન ગાંધીનગર ખાતે નોંધાયું
આજે રાજ્યમાં લઘુત્તમ તાપમાનનો પારો છેલ્લાં થોડાંક દિવસની સરખામણીએ ઊંચે ચડ્યો હતો. તેમજ ઠંડીના પ્રમાણમાં થોડો ઘટાડો જોવા મળ્યો હતો. તો રાજ્યમાં સૌથી ઓછું તાપમાન ગાંધીનગર ખાતે 8.2 ડિગ્રી નોંધાયું હતું.
ગુજરાતના શહેરોમાં લઘુતમ તાપમાન (ડિગ્રીમાં)
| ક્રમ | મહાનગરો | તાપમાન |
| 1 | અમદાવાદ | 10.0 |
| 2 | ગાંધીનગર | 8.2 |
| 3 | રાજકોટ | 15.6 |
| 4 | સુરત | 12.7 |
| 5 | ભાવનગર | 13.4 |
| 6 | જૂનાગઢ | 13.0 |
| 7 | બરોડા | 11.4 |
| 8 | નલિયા | 14.8 |
| 9 | ભુજ | 17.0 |
| 10 | કંડલા | 13.0 |
આ પણ વાંચોઃ Cold wave in Gujarat: જાણો શિયાળામાં પશુઓની દૂધ ઉત્પાદન ક્ષમતા જાળવી રાખવા શું કરવું
