કચ્છ ભૂકંપ સમયથી જ મોદીએ આપ્યો હતો આત્મનિર્ભરતા સંકલ્પ, વાઈરલ ફોટો સાથેના સંસ્મરણ વાગોળતાં કચ્છી

વડાપ્રધાન નરેન્દ્ર મોદીએ આત્મનિર્ભરતાનું મૂલ્ય કોરોનાના સંદર્ભમાં દેશને સમજાવ્યું છે ત્યારે ભૂતકાળમાં તેમણે આત્મનિર્ભરતાને જ્યારે જ્યારે અમલમાં મૂકી છે તેના સંસ્મરણો લોકો વાગોળી રહ્યાં છે. કચ્છ ભૂકંપને પોતાના સંબોધનમાં મોદીએ યાદ કર્યો હતો ત્યારે તેને અનુલક્ષીને વધુ એક કિસ્સો પણ યાદ કરવામાં આવી રહ્યો છે.

ભૂજ:કોરોના મહામારી વચ્ચે lock down પાર્ટ ચારની રાહ જોવાઇ રહી છે. વડાપ્રધાન નરેન્દ્ર મોદીએ lock down નવા રંગરૂપ સાથે હશે તેમ જણાવીને સમગ્ર દેશને આત્મનિર્ભર ભારત અભિયાનનો સંકલ્પ આપ્યો છે દેશજોગ સંબોધનમાં તેમણે કચ્છમાં ભૂકંપ પછી સંપૂર્ણ રીતે તબાહ થયાં આત્મનિર્ભરતાથી સમગ્ર નવસર્જન અને વિકાસનો દોર આગળ વધાર્યો હતો તેનો દાખલો પણ આપ્યો છે. વડાપ્રધાનના કચ્છના ઉલ્લેખ સાથે જ એક ફોટો સોશિયલ મીડિયામાં ખૂબ જ વાયરલ થઇ રહ્યો છે જેમાં નરેન્દ્ર મોદી એક બાઈકસવારની પાછળ બેઠાં છે તે દ્રશ્યમાં ભૂકંપનો નજારો જોવા મળી રહ્યો છે. ઇટીવી ભારતની ટીમે આ ફોટોમાં સાથે રહેલા ભૂજના પંકજ ઝાલા નામના વ્યક્તિ સાથે વાત કરી હતી કે જેઓ આ ફોટો ખેંચાયો ત્યારે ત્યાં સાથે ઉપસ્થિત હતાં.

પંકજભાઈએ ETV Bharat સાથેની વાતચીતમાં જણાવ્યું કે આ ફોટો નરેન્દ્ર મોદી ભાજપના મહામંત્રી તરીકે ભૂકંપના ત્રીજા દિવસે કચ્છ પહોંચ્યાં તે દિવસનો છે. ભૂજના પાડેશ્વર ચોક પાસે મહાકાલેશ્વર મંદિરેથી તેઓ બાઇક પર બેસીને ભૂજના કોટ વિસ્તારનો જાયજો લીધો હતો. આ બાઈક સંઘના ત્યારના પ્રચાર વિભાગના અગ્રણી દિલીપભાઈ દેશમુખ ચલાવી રહ્યાં છે અને તેમની પાછળ નરેન્દ્ર મોદી સવાર થયેલાં છે.તેમણે જણાવ્યું કે મોદીએ ભૂજના સમગ્ર વિસ્તારનું નિરીક્ષણ કર્યા બાદ જણાવ્યું હતું કે હવે આત્મનિર્ભરતા સાથે આગળ વધવાનો સમય છે .નવસર્જનને અંતેે kutch એક નમૂનેદાર વિકસિત જિલ્લો બનશે તે નક્કી છે . સમયસમયની વાતછે કે ેતેઓ ગુજરાતના મુખ્યપ્રધાન બન્યાં હતાં અને તેમના શાસનમાં જિલ્લો રોલ મોડલ અને વિકાસનો ગ્રોથ એન્જિન બનીને ઉભરી આવ્યો હતો. આજે કચ્છ વિકસિત જિલ્લાઓમાં ટોપ પર છે ઝાલાએ વિશ્વાસ વ્યક્ત કર્યો હતો કે જે રીતે આત્મનિર્ભર સંકલ્પ સાથે નરેન્દ્ર મોદીએ કચ્છને વિકસિત બનાવ્યું તેમ કોરોના મહામારી વચ્ચે આત્મનિર્ભર ભારત અભિયાન પણ ભારતને નવી દિશા આપવા સાથે વિશ્વ માટે માર્ગદર્શક પણ બનશે.