કચ્છઃ ભુજ ફાયર સ્ટેશનના જણાવ્યા પ્રમાણે ગત મોડી રાત્રે ઝિંકડી ગામમાંથી કોલ આવ્યો હતો. જેમાં ઊંડા કુવામાં ખાબકેલા ઊંટને બચાવવા માટે મદદ માંગી હતી. ત્યારે મોડી રાત્રે ટીમ ઘટના સ્થળે પહોંચી હતી. 40 ફૂટ ઊંડા અંધારિયા કુવામાં ઊંટ જીવતો હોવાનું જણાઈ આવ્યુ હતું. અનેક પ્રયાસો અને તરકીબો અજમાવ્યા બાદ પણ ઊંટ બહાર ન આવતા ફાયર જવાની કુવાની અંદર ઉતરી ઊંટને બાંધીને ઉપર લઈ આવવાનો નિર્ણય કર્યો હતો. રાતના અંધારામાં સુરક્ષા સાથે ફાયર જવાન ઊંડા કુવામાં ઉતરી ઊંટને બાંધી દેતા ઉપર ખેંચી લેવાયો હતો. આ અબોલ જીવને બહાર કાઢવામાં સાત કલાકની મહેનત રંગ લાવતા ત્યાં ઉપસ્થિત લોકોએ ખુશી વ્યકત કરી હતી. ઊંટના માલિકેે અબોલ જીવને પ્રાથમિક સારવાર આપી હતી.
ફાયર જવાન યશપાલસિંહ વાઘેલા, સુનિલ મકવાણા, નરેશ લોહરા અને મહેશ લોહરા કામગીરીમાં જોડાયા હતા અને ઊંટને બચાવવા ભારે જહેમત ઉઠાવી હતી.
