દર વર્ષની જેમ આ વર્ષે હોસ્પિટલ ખાતે ક્રિસમસની ઉજવણી કરવામાં આવી હતી. ખિલખિલાટના કેપ્ટન અનિલભાઈ ગુસાઈ સાન્ટાક્લોઝ બનીને 108 તેમજ ખિલખિલાટના સ્ટાફ સાથે હોસ્પિટલમાં બાળકોના વોર્ડમાં પહોંચીને તમામ બાળકોને તેમજ તેમના સગાં વ્હાલાઓને ચોકલેટ આપીને હર્ષનો માહોલ સર્જ્યો હતો. તેમજ સાન્ટાક્લોઝની સાથે-સાથે સ્ટાફ વતી ખિલખિલાટ હોસ્પિટલ કોરડીનેટર યોગેન્દ્રસિંહ તથા સંજય ડોલર અને પ્રોગ્રામ મેનેજર કમલેશ પઢીયાર પણ હાજર રહ્યા હતા. તેમજ બાળકોને પ્રોત્સાહિત કર્યા હતા.
મોટાભાગે હોસ્પિટલમાં લોકો અને બાળકો હસતા જોવા મળતા નથી. પરંતુ બાળકોને ગમતા સાન્ટાકલોઝ એકાએક આવી જતા બાળકો ખુશ થઈ ગયા હતા. તેમજ ચોકલેટ મેળવીને ખુશ થયા હતા. આ ઉજવણીમાં બાળકોની સાથે સાથે હોસ્પિટલનો સ્ટાફ પણ જોડાયો હતો. તેમજ ખુશી વ્યક્ત કરી હતી.
