વડતાલ સ્વામિનારાયણ મંદિર તેમજ તેના તાબાના મંદિરો 1 જુલાઈથી ખુલશે

ખેડા જિલ્લાના સુપ્રસિદ્ધ યાત્રાધામ વડતાલ મંદિરને 17 જૂનથી જાહેર દર્શન માટે ખોલવાનો નિર્ણય કરવામાં આવ્યો હતો. પરંતુ કોરોનાના વધતા સંક્રમણને લઈને તે નિર્ણય મુલતવી રાખવામાં આવ્યો હતો. હવે 1 જુલાઈથી મંદિરને જાહેર દર્શન માટે ખોલવાનો નિર્ણય કરવામાં આવ્યો છે.

• હરિભક્તોની પ્રતિક્ષાનો અંત
• વડતાલ સ્વામિનારાયણ મંદિર 1 જુલાઈથી જાહેર દર્શન માટે ખુલ્લું
• મંદિરમાં ભોજનાલય તેમજ ઉતારા વિભાગ બંધ

ખેડા: વડતાલ મંદિર 17 જૂનથી જાહેર દર્શન માટે ખોલવાની સંસ્થા દ્વારા જાહેરાત કરવામાં આવી હતી. પરંતુ કોરોનાના સંક્રમણને અનુલક્ષીને અગાઉનો આ નિર્ણય મુલત્વી રાખવામાં આવ્યો હતો. હાલની પરિસ્થિતિની સમીક્ષા બાદ સરકારી સૂચના અને માર્ગદર્શિકા અનુસાર વડતાલ મંદિર દર્શન માટે 1 જુલાઈથી ખુલ્લુ મૂકાશે.

વડતાલ સંસ્થાન દ્વારા મંદિર ખોલવાના નિર્ણય કરતા હરિભક્તોની પ્રતિક્ષાનો અંત થયો છે. નિયમોના પાલન સાથે હરિભક્તો વડતાલ મંદિર તેમજ તાબાના શિખરબદ્ધ મંદિરોમાં 1 જુલાઈથી દર્શન કરી શકશે. જોકે, મંદિરમાં ભોજનાલય તેમજ ઉતારા વિભાગ બંધ રહેશે.