ખેડા: યાત્રાધામ ડાકોરમાં બુધવારે સવારે અને સાંજે હીટ એન્ડ રનની 2 ઘટનાઓ બની હતી. જેમાં 2 યુવાનના મોત થયાં છે. જેમાં સવારે કપડવંજ રોડ પર ડોન બોસ્કો સ્કૂલ પાસે બાઈક સવારને અજાણ્યા વાહને ટક્કર મારતા ઘટના સ્થળે કરૂણ મોત થયું હતું, જ્યારે બીજા બનાવમાં સાંજે ઉમરેઠ રોડ પર પુલ્હાશ્રમ પાસે બાઈકચાલકને અડફેટે લઈ અજાણ્યો વાહન ચાલક ફરાર થઈ ગયો હતો.આ ઘટનામાં પણ બાઈકચાલકનું મોત થયું હતું.
બન્ને ઘટનામાં 2 યુવાનોના મોત થતાં ડાકોર પોલીસે બન્ને ઘટનામાં અજાણ્યા વાહન ચાલકો વિરૂદ્ધ અકસ્માતનો ગુનો નોંધી CCTV ફૂટેજના આધારે તપાસ હાથ ધરી છે.
