- શ્રી કૃષ્ણ હોસ્પિટલ ( Shri Krishna Hospital )ને મળ્યું મેડીકલ સાધનોનું દાન
- રૂપિયા 1.45 કરોડના સાધનોનું શ્રી કૃષ્ણ હોસ્પિટલ ( Shri Krishna Hospital )માં દાન
- કોરોના મહામારીમાં મેડીકલના સંસાધનો દર્દીઓ માટે સંજીવની સાબિત થયા
ખેડા : જિલ્લામાં વિવિધ આરોગ્યલક્ષી, શૈક્ષણિકલક્ષી, પર્યાવરણ લક્ષી સેવાઓ માટે જાણીતી સંસ્થા રોટરી ક્લબ નડીયાદ રાઉન્ડ ટાઉન ( Rotary Club Nadiad Round Town )એ ગ્રાન્ટ દ્વારા આ દાન કર્યું છે. આ ગ્રાન્ટ ધી રોટરી ફાઉન્ડેશન, ધી શાંતા ફાઉન્ડેશન (U.K.) તેમજ રોટરી ડિસ્ટ્રીક્ટ 3060ના સહયોગથી મેળવેલી છે.
શ્રી કૃષ્ણ હોસ્પિટલ ( Shri Krishna Hospital )ને મેડીકલ સાધનોનું દાન
આ ગ્રાન્ટ થકી શ્રી કૃષ્ણ હોસ્પિટલ ( Shri Krishna Hospital ) કરમસદના Waymade ક્રિટિકલ કેર સેન્ટરમાં 10 વેન્ટિલેટર મશીન, 3 ડિફેબ્રીલેટર મશીન, 1 હાઇ ફ્લો ઓક્સિજન થેરાપી યુનીટ, 18 નંગ 5-7-3 પેરામીટરના મલ્ટી પેરામીટર, 2 ડાયાલીસીસ મશીન, 1 ફાઇબ્રેઓપ્ટીક બ્રોન્ચોસ્કોપ વગેરે લાઈફ સેવિંગ જીવન રક્ષક આધુનિક મેડીકલના સંસાધનોનું દાન કરવામાં આવ્યું છે.
કોરોના મહામારીમાં આ સંસાધનો દર્દીઓ માટે સંજીવની સાબિત થયા
આ ગ્રાન્ટ લાવવા માટે મુખ્ય યોગદાન આપનારા રો. કેતન પટેલ, રો . મેહુલ પટેલ, રો મિનેષ રાવે જણાવ્યું હતુ કે, હાલમાં કોરોના મહામારીમાં આ સંસાધનો દર્દીઓ માટે સંજીવની સાબિત થયા છે. અમારી સંસ્થા કોમ્યુનિટીને જરૂરિયાત હોય તેવી સેવા કરતા રહીએ છીએ. આ તબકકે અમે PDG પીન્કી પટેલ તેમજ શાંતા ફાઉન્ડેશનનો આભાર માનીએ છીએ.
વિવિધ અગ્રણીઓ ઉપસ્થિત રહ્યા
ડિસ્ટ્રિક્ટ ગવર્નર પ્રશાંત જાનીની ઉપસ્થિતિમાં આ લોકાર્પણ કાર્યક્રમ યોજાયો હતો. આ પ્રસંગે રો. ક્લબ નડિયાદ રાઉન્ડ ટાઉન ( Rotary Club Nadiad Round Town )ના મેહુલભાઈ પટેલ, મીનેશભાઈ રાવ, કેતનભાઈ પટેલ, નરોત્તમભાઈ વરદાની, યોગેશભાઈ શાહ, કમલેશ પ્રધાન તથા મિતેન પરીખ હજાર રહ્યા હતા. પૂર્વ પ્રમુખ મેહુલભાઈ પટેલે આ કાર્યને વધુ વેગ આપવા બન્ને સંસ્થાને રવિવારના રોજ વધુ 50 હજાર રૂપિયાનું દાન આપ્યું હતું.
આ પણ વાંચો -
