ખેડાઃ 2 સપ્ટેમ્બરના રોજ જિલ્લાની 5 નગરપાલિકાઓ ખેડા, મહુધા, મહેમદાવાદ, ચકલાસી અને ડાકોરમાં પ્રમુખ તથા ઉપ-પ્રમુખની ચૂંટણી યોજવાની છે. જેને લઇને રાજકીય માહોલ ગરમાયો છે.
મહેમદાવાદ નગરપાલિકામાં ભાજપ સત્તા પર છે. આ પાલિકામાં ભાજપ પાસે 15, અપક્ષ 7 તેમજ કોંગ્રેસ પાસે 6 સભ્યો છે. જેની કુલ બેઠક 28 છે. ડાકોર નગરપાલિકામાં ભાજપ પાસે 11 સભ્યો અને અપક્ષ પાસે 17 મળી કુલ 28 બેઠકો છે. જેમાં ભાજપ સત્તાધારી પાર્ટી છે.
મહુધા નગરપાલિકામાં ભાજપ પાસે 9 સભ્યો, અપક્ષ પાસે 8 અને કોંગ્રેસ પાસે 7 સભ્યો મળી કુલ 24 બેઠકો છે. આ પાલિકામાં પણ અત્યારે ભગવા લહેરાઇ છે. ચકલાસી નગરપાલિકામાં ભાજપના 10 સભ્યો, કોંગ્રેસના 10 અને અપક્ષના 8 સભ્યો મળી કુલ 28 બેઠકો છે. જે હાલ ભાજપના કબ્જામાં છે.
ખેડા નગરપાલિકામાં ભાજપના 10 અને અપક્ષના 18 મળી કુલ 28 બેઠકો છે. જેમાં પણ ભાજપ સત્તા પર છે.
