ખેડા: રોડ સેફટી કમિશ્નર લલિત પાડલીયાએ ખેડા જિલ્લાની ભૌગોલિક પરિસ્થિતિની માહિતી મેળવી જિલ્લામાં છેલ્લા વર્ષો દરમિયાન થયેલા અકસ્માત, અકસ્માતના સ્થળ, અકસ્માત ન થાય તે માટે જિલ્લાના વિવિધ વિભાગો દ્વારા કરવામાં આવેલી કામગીરીની તલસ્પર્શી માહિતી જે તે વિભાગ પાસેથી મેળવી હતી.
આ બેઠકમાં અકસ્માત નિવારવા માટેના આગોતરા આયોજન અને જરૂરી સુધારાની વિગતો પણ જિલ્લાના ઉચ્ચ અધિકારીઓ પાસેથી મેળવી તે અંગે યોગ્ય નિર્ણય વહેલી તકે થાય તેવું સૂચન કર્યું હતું. આ બેઠકમાં જિલ્લા કલેક્ટર આઇ.કે.પટેલ, જિલ્લા પોલીસ વડા દિવ્ય મિશ્રા, નિવાસી અધિક કલેક્ટર રમેશ મેરજા, જિલ્લા આર.ટી.ઓ. અધિકારી,જિલ્લાની 108 ની એમ્બ્યુલન્સ સેવાના અધિકારીઓ, નેશનલ હાઇવેના અધિકારીઓ સહિત સંલગ્ન વિભાગના અધિકારીઓ ઉપસ્થિત રહ્યા હતા.
