ખેડા માતર તાલુકાના ત્રાજ ગામમાં ગઈકાલે સાંજના સમયે 15 વર્ષીય કૃપા પટેલ નામની સગીરા પોતાની સહેલી સાથે દુકાને ઠંડાપીણા લેવા માટે ગઈ હતી. તે દરમિયાન અચાનક રાજુ પટેલ નામનો 42 વર્ષિય આધેડ કૃપાને ગળાના ભાગ તેમજ હાથ પર કટર વડે ઘા મારવા લાગ્યો હતો ( A minor was publicly killed in Kheda). હુમલા બાહ આરોપી રાજુ ફરાર થઈ ગયો હતો. લોહી લુહાણ હાલતમાં સગીરાને સારવાર માટે ખેડા સિવિલ હોસ્પિટલ ખાતે ખસેડવામાં આવી હતી. જ્યાં તેને મૃત જાહેર કરવામાં આવી હતી. ઘટનાની જાણ થતા ઉચ્ચ પોલિસ અધિકારીઓ ઘટના સ્થળે પહોંચી ગયા હતા (Kheda murder case). પોલીસ દ્વારા આરોપીની અટકાયત કરી ગુનો નોંધી કાર્યવાહી હાથ ધરાઈ છે.
સગીરાની હત્યા મૃતક સગીરાના પરિવાર દ્વારા આરોપીને ખુબજ ટૂંકા ગાળામાં સજા થવી જોઈએ તેવી માંગ કરવામાં આવી છે. જિલ્લા પોલીસ વડા રાજેશ ગઢીયાએ જણાવ્યું છે કે, રાજેશ પટેલે કાગળ કાપવાના કટરથી કૃપાને ગળાના ભાગે વાર કર્યા હતા, જેના કારણે મોત નિપજાવ્યું છે. રાજેશ પટેલની ભત્રીજી અને મૃતક કૃપા બંને બહેનપણીઓ હતી. મરણ જનારની આરોપીના ઘરે અવર જવર થતી હતી. એક તરફી આકર્ષણના કારણે આ હીન કૃત્ય આચર્યું હોવાનું જાણવા મળ્યું છે. આરોપીની ધરપકડ કરી દેવામાં આવી છે અને તેની પૂછપરછ ચાલુ છે.
