નરસિંહ મહેતા સરોવરમાં આવેલી જળકુંભીને દૂર કરવા મનપા દ્વારા કામગીરી હાથ ધરાઈ

જિલ્લાની મધ્યમાં આવેલા નરસિંહ મહેતા સરોવરમાં જળકુંભીને દૂર કરતું જૂનાગઢ મનપા તંત્ર છેલ્લા કેટલાક વર્ષોથી ભૂગર્ભ જળ માટે આશીર્વાદ સમાન નરસિંહ મહેતા સરોવર ચોમાસા દરમિયાન શહેરની સુંદરતા માટે પણ મહત્વનું છે, ત્યારે અચાનક આવી ગયેલી જળકુંભીને દૂર કરવામાં આવી રહી છે.

જૂનાગઢ : શહેરની મધ્યમાં આવેલું અને ભૂગર્ભજળ માટે અતિ મહત્વનું ગણાતું નરસિંહ મહેતા સરોવરમાં અચાનક જળકુંભી જોવા મળી હતી, ત્યારે જૂનાગઢ મનપા દ્વારા જળકુંભીને દૂર કરવાની કાર્યવાહી શરૂ કરવામાં આવી છે. ચોમાસાનો વરસાદ આવી રહ્યો છે, ત્યારે શહેરની સુંદરતા અને ભૂગર્ભજળ માટે અતિ મહત્વનું નરસિંહ મહેતા તળાવ જળકુંભી આવવાને કારણે ખરાબ જોવા મળતું હતું. જેને ધ્યાને રાખીને તળાવમાંથી જળકુંભીને કાઢવાની કામગીરી હાથ ધરવામાં આવી રહી છે.

નરસિંહ મહેતા સરોવર શહેરની મધ્યમાં આવેલું હોવાને કારણે લોકો માટે એક પર્યટક સ્થળ તરીકે પણ ગણવામાં આવે છે. તેમજ ભૂગર્ભ જળના સંચય માટે પણ આ સરોવર જૂનાગઢ શહેર માટે આશીર્વાદ સમાન છે, ત્યારે જળકુંભીને કારણે તેની સુંદરતા બગડી રહી હતી તેમજ પાણીના સંગ્રહ કરવાની ક્ષમતા પણ ઘટી રહી હતી. જેને ધ્યાને રાખીને જળકુંભીને દૂર કરી સરોવરની સુંદરતાની સાથે ભૂગર્ભ જળને સાચવવા માટે પણ નરસિંહ મહેતા સરોવર મહત્વનું બની રહે તે માટે જળકુંભીને દૂર કરવાની કામગીરી મનપા દ્વારા હાથ ધરવામાં આવી છે.

ગ્રાફ