જૂનાગઢની ગીરી તળેટીમાં આયોજિત પ્રથમ મીની કુંભ મેળાને લઈને ભવનાથના વસ્ત્રપથેશ્વર મહાદેવ જગ્યાના મહંત મુક્તાનંદગિરી બાપુ દ્વારા મેળામાં થયેલા ખર્ચને લઈને RTI કરવામાં આવી હતી. જેનો યાત્રાધામ વિકાસ બોર્ડે આજે જવાબ આપ્યો હતો. જેમાં લેસર શો, ડમરૂં યાત્રા, લોક કલાકારો, સ્ટેજ, કાર્યક્રમ અમલીકરણ, શેરી નાટકો, શિવ ઉપાસના અને સંતોના વાહન ભથ્થા માટે ખર્ચ કર્યો હોવાની માહિતી આપવામાં આવી છે.
મીની કુંભ મેળો વિવાદમાં, ભગવાનના કામમાં પણ કૌભાંડની શક્યતા
ગીરી તળેટીમાં આયોજિત પ્રથમ શિવ મીની કુંભ મેળાના આયોજનને લઈને પ્રથમ દિવસથી સવાલો ઉભા થયા હતા. ત્યારે હવે 15 કરોડની જગ્યાએ માત્ર 3 કરોડ 61 લાખનો જ ખર્ચ દર્શાવવામાં આવતા આગામી દિવસોમાં આ મામલો વધુ ઉગ્ર બનીને રાજકીય ક્ષેત્રે પણ ચર્ચાતો જોવા મળશે.
