જૂનાગઢઃ જિલ્લામાં કોરોના સંક્રમિત કેસોની સંખ્યામાં ચિંતાજનક રીતે વધારો જોવા મળી રહ્યો છે. ભેસાણ શહેરમાં ગત 5મી મેના દિવસે એક તબીબ અને તેના સહાયકનો રિપોર્ટ કોરોના પોઝિટિવ આવ્યો હતો. ત્યારથી અત્યારસુધીમાં 68 કેસ નોંધાયા છે.
જૂનાગઢ તાલુકાના ભેસાણમાં 4, વિસાવદરમાં 9, માણાવદર અને માળિયામાં 2, મેંદરડામાં 07, માંગરોળમાં બે અને કેશોદમાં 9 જેટલા સંક્રમિત કેસ નોંધાયા છે. આ ઉપરાંત જૂનાગઢ શહેરમાં 25 કેસ નોંધાયા છે. છેલ્લા એક અઠવાડિયામાં શહેરમાં દરરોજ પાંચથી વધુ કેસો સામે આવ્યા છે. જેથી જિલ્લા આરોગ્ય તંત્ર ચિંતામાં મૂકાયું છે.
આમ, જૂનાગઢમાં દિવસેને દિવસે કોરોના સંક્રમિતોની સંખ્યા વધી રહી છે. જેના પગલે જિલ્લા આરોગ્ય દ્વારા જન-જાગૃતિના પગલા લેવામાં આવી રહ્યાં છે. તેમજ લોકોની મેડીકલ તપાસ પણ કરવામાં આવી રહી છે. તેમ છતાં કોરોના દર્દીઓની સંખ્યામાં કોઈ ખાસ ઘટાડો જોવા મળ્યો નથી. જેથી જિલ્લા વહીવટી તંત્રમાં ચિંતાનો માહોલ જોવા મળી રહ્યો છે.
