જૂનાગઢઃ જૂનાગઢ જિલ્લાના માંગરોળના શાપુર રોડ પર રહેતી અને છેલ્લા 4 દિવસથી ગુમ થયેલી મહિલાનો મૃતદેહ આજે માંગરોળના વેરાવળ રોડ પર આવેલ પરબ વિસ્તારના એક કૂવામાંથી મળી આવ્યો છે.
માંગરોળના વેરાવળ રોડ નજીક કુવામાંથી 4 દિવસથી ગુમ મહિલાનો મૃતદેહ મળી આવ્યો
પરબ વિસ્તારના એક કૂવામાંથી કોહવાયેલી હાલતમાં મહિલાનો મૃતદેહ મળી આવતા ચકચાર મચી હતી. માંગરોળ નગરપાલિકા તેમજ સ્થાનિકો અને આગેવાનોએ મૃતદેહને બહાર કાઢ્યો હતો. માંગરોળ મામલતદાર બેલડીયા, DySP પુરોહિત સહિત માંગરોળ મામલતદાર, પાલિકા અને પોલીસ કાફલો ઘટનાસ્થળે પહોચ્યો હતો.
બાદમાં આ મૃતદહે પરિવારને સોંપવામાં આવ્યો હતો. આ ઘટનાથી પરિવારમાં શોકનો માહોલ છે. હાલ પોલીસ દ્વારા પંચનામું કરી આગળની કાર્યવાહી હાથ ધરવામાં આવી છે. જો કે, આ મામલે આત્મહત્યાનો છે કે પછી હત્યા તે અંગે હજી કોઈ ખુલાસો થયો નથી.
