જૂનાગઢના વાતાવરણમાં સતત બીજા દિવસે પલ્ટો, ધીમીધારે મેઘરાજાનું આગમન

જૂનાગઢ શહેરમાં મેઘરાજાનું ધીમીધારે આગમન થયું છે. અચાનક વરસાદનું જોરદાર ઝાપટું પડતાં શહેરમા ઠંડક પ્રસરી ગઇ હતી અને લોકોને કાળજાળ ગરમીમાંથી મુક્તિ મળી હતી. હજુ પણ આગામી 2 દિવસમાં વરસાદ પડે તેવી શક્યતાઓ છે.

જૂનાગઢઃ સતત બીજા દિવસે જૂનાગઢ શહેરમાં મેઘરાજાનું ધીમીધારે આગમન થયું છે. ગઇકાલે પણ વાતાવરણમાં પલ્ટો જોવા મળ્યો હતો અને રાત્રીના સમયે વરસાદનું ઝાપટું પડતા વાતાવરણમાં ઠંડક પ્રસરી ગઇ હતી.

ગઇકાલે રાત્રીના 8 કલાકે જૂનાગઢ શહેરના વાતાવરણમાં પલ્ટો જોવા મળ્યો હતો અને અચાનક વરસાદનું જોરદાર ઝાપટું પડતાં શહેરમા ઠંડક પ્રસરી ગઇ હતી. ત્યારે આજે સતત બીજા દિવસે પણ ધીમી ધારે વરસાદનું આગમન થયું છે. જેના કારણે લોકોને આકરી ગરમીમાંથી મુક્તિ મળી હતી. આ વરસાદી વાતાવરણ આગામી બે ત્રણ દિવસ સુધી જોવા મળે તેવી પણ શક્યતાઓ છે. જેને લઇને લોકોને અકળાવનારી ગરમીમાંથી મુક્તિ મળશે તેવી શક્યતાઓ પણ જોવાઈ રહી છે.