જામનગરમાં ડેન્ગ્યુના શિકાર બનેલા મેડીકલના વિધાર્થીઓએ બેડરેસ્ટ એક્ઝામ આપી

જામનગરઃ ડેન્ગ્યુની ઝપેટમાં ફક્ત સામાન્ય નાગરિકો જ નહીં પરંતુ મેડિકલ કૉલેજમાં અભ્યાસ કરતા વિદ્યાર્થીઓ પણ સપડાયા છે. પરીક્ષા ચાલતી હોવાથી એક વિદ્યાર્થીએ બિસ્તર પર પેપર આપવાની ફરજ પડી છે.

જી જી હોસ્પિટલમાં એમ પી શાહ મેડિકલ કોલેજના વિધાર્થીઓએ ડેંગ્યુની સારવાર સાથે પરીક્ષા આપી છે. જી જી હોસ્પિટલ દ્વારા વિધાર્થીઓ માટે અલગ રૂમ ફાળવવામાં આવ્યો છે. ડેન્ગ્યુની બિમારીની સારવાર સાથે એમબીબીએસ બીજા વર્ષના વિદ્યાર્થીઓએ પેપર આપવા મજબૂર બન્યા છે. મેડિકલ કોલેજની હોસ્ટેલમાં રહેતા 30 જેટલા વિદ્યાર્થીઓને ડેન્ગ્યૂની અસર થઈ છે.

જામનગર શહેરમાં એક હજારથી વધુ લોકો ડેન્ગ્યુના ભોગ બન્યા છે જેમાંથી 12 લોકોના મોત નિપજ્યા છે. ત્યારે મેડિકલ કોલેજના વિધાર્થીઓ ડેન્ગ્યુના શિકાર બનતા તાત્કાલિક તમામ વિધાર્થીઓ ને સારવાર આપવામાં આવી રહી છે અને બીમાર વિદ્યાર્થીઓની બિસ્તર પર જ પરીક્ષા આપવામાં આવી રહી છે.