કોંગ્રેસને ઝટકો, શહેર કોંગ્રેસ પ્રમુખ ગિરીશ અમેથિયાએ કેસરીયો ધારણ કર્યો

જામનગરઃલોકસભાની ચૂંટણીને હવે ગણતરીના જ દિવસો બાકી રહ્યા છે, ત્યારે બંને પક્ષો દ્વારા પ્રચાર અને પુર ઝડપે કરવામાં આવી રહ્યો છે. ત્યારે જામનગર જિલ્લા યુવા ભાજપ દ્વારા વિજય વિશ્વાસ ટંકાર સંમેલનનું આયોજન કરવામાં આવ્યું હતું. જેમાં કેન્દ્રીય કૃષિ પ્રધાન પરસોત્તમ રૂપાલા ઉપસ્થિત રહ્યા હતા. આ સમયે શહેર કોંગ્રેસના પ્રમુખ ગિરીશભાઇ અમેથિયા ભાજપમાં જોડાયા હતા.

બંને રાજકીય પક્ષો દ્વારા તોડ-જોડ નીતિ ચાલી રહી છે, ત્યારે શુક્રવારના રોજ જામનગરમાં કોંગ્રેસને ફરીથી એક મોટો ઝટકો આપવામાં આવ્યો હતો. જામનગર શહેર કોંગ્રેસના પ્રમુખ ગિરીશભાઇ અમેથિયાએ કોંગ્રેસ સાથે છેડો ફાડી અને કેસરીયો ધારણ કર્યો હતો. કૃષિ કેન્દ્રીય પ્રધાન પુરુસોત્તમ રૂપાલાના વરદ હસ્તે ખેસ પહેરી વિધિવત્ રીતે ભાજપમાં પ્રવેશ કર્યો હતો.

મહત્વનું છે કે, ધારાસભ્ય પક્ષપલટો કરે તો તેમને ગિરીશભાઈ ગદાર ઠહેરાવતા હતા. જ્યારે આજે પોતે પક્ષ પલટો કરે છો તો અમેથિયાને ભાજપની વિચારધારા ગમી જાય છે. આતો એના જેવી વાત છે કે " મેં કરું તો રાસલીલા ઓર આપ કરો તો કૅરેક્ટર ઢીલા"!