શહેરના દરે઼ડગામમાં આવેલા GIDC વિસ્તારમાં શ્રમિક પરિવાર પર પંચકોશી બી ડિવિઝન પોલીસે અમાનુસી ત્રાસ ગુજર્યો તેમજ માર માર્યો હોવાના આરોપસાથે પરપ્રાંતીય શખ્સોનું ટોળું એસ.પી. કચેરી પહોંચ્યું હતું. આ શખ્સોએ પંચકોશી બી ડિવિઝન પોલીસ ઓફિસના સ્ટાફ સામે કાર્યવાહી કરવાની માંગણી કરી હતી. આ બનાવ અંગે ફરિયાદ અહેમદના જણાવ્યા અનુસાર, કાલુ નામના પરપ્રાંતીય શખ્સ અને બાબુભાઈએ ભાગીદારીમાં કરિયાણાની દુકાન શરુ કરી હતી, સમય જતા બંને છુટા પડ્યા હતા.
જેમાં બાબુભાઈને કાલુભાઈ પાસેથી અમુક રૂપિયા લેવાના થતા હતા. આ દરમિયાન કાળું અને તેનો પુત્ર ઉવૈસ પૈસા લેવા દરેડ ગયા હતા. જ્યાં પંચકોશી બી ડિવિઝન પોલીસે પિતા પુત્રને માર મારી ઉઠાવી ગઈ હતી. જેને લઈને પરપ્રાંતીય શ્રમિક પરિવારો એકત્રિત થયા હતા અને દરેડથી જામનગર આવીને પોલીસના દમન અંગે રજૂઆત કરીને સુત્રોચ્ચાર કર્યા હતા. પોલીસે બંને પિતા પુત્રને લોક અપમાં પૂરી રાખી માર માર્યો હોવાનો આક્ષેપ પરપ્રાંતીય પરિવારોએ કર્યો છે. જે તે પોલીસકર્મીઓ સામે કાર્યવાહી કરવાની માંગણી પણ કરવામાં આવી છે.
