- જામનગરમાં ખીજડા મંદિર પાસે ભંગારના વાડામાં લાગી આગ
- બે ફાયર ફાઈટરની મદદથી આગ પર કાબૂ મેળવાયો
જામનગર: જિલ્લામાં અવારનવાર આગના બનાવ બનતા હોય છે, ત્યારે આજરોજ જામનગરમાં સવારે 10 વાગ્યે ખીજડા મંદિર પાસે આવેલા એક ભંગારના વાડામાં ભીષણ આગ લાગતા અફરાતફરીનો માહોલ સર્જાયો હતો.ફાયર વિભાગને તાત્કાલિક જાણ કરતા ફાયર વિભાગના કર્મચારી ઘટનાસ્થળે પહોંચ્યા હતા અને પાણીનો મારો ચલાવી આગને કાબૂમાં લીધી હતી. તે જગ્યા પર ભંગારના વાડામાં રાખેલા ટુ વ્હીલ તેમજ ફોરવીલર બળીને ખાખ થઈ ગયા હતા.
ભંગાર વાડામાં લાગી આગ
જામનગરમાં ખીજડા મંદિર પાસે આવેલા પ્રફુલભાઈ કટારમલના વાડામાં ભીષણ આગ લાગતાં અફડાતફડીનો માહોલ સર્જાયો હતો. આગ વધુ વિકરાળ બને તે પહેલા પાણીનો મારો ચલાવી કાબુમાં લેવાઇ હતી. આગ લાગવાના કારણે ભંગાર વાડામાં પડેલા માલસામાન બળીજતા અંદાજિત 25 થી 30 લાખનુ નુકસાન થયું હોવાની આશંકા છે.
જામનગરમા ભંગારવાડામાં લાગી આગ, 25 થી 30 લાખનુ થયું નુકસાન
