ફી મુદ્દે વાલી મંડળે શિક્ષણપ્રધાન સાથે યોજી બેઠક, ફી રદ કરવાની કરી માગ

ફી ઉઘરાવવામાં મુદ્દે આજે મંગળવારે રાજ્યના શિક્ષણ પ્રધાન ભૂપેન્દ્રસિંહ ચુડાસમા સાથે સામાજીક આગેવાન અને વાલીમંડળની બેઠક યોજાઇ હતી. જેમાં, જ્યાં સુધી સ્કૂલ બંધ રહે ત્યાં સુધી ફી માફી આપવામાં આવે તેવી માગ કરવામાં આવી હતી.

ગાંધીનગર : લોકડાઉનના કારણે રાજ્ય સરકાર દ્વારા 15 ઓગસ્ટ સુધી રાજ્યની તમામ શાળા અને કોલેજો બંધ રાખવાનો આદેશ આપવામાં આવ્યો છે. જ્યાં સુધી કેન્દ્ર સરકારનું નવું નોટિફિકેશન ન આવે ત્યાં સુધી રાજ્યમાં કોઈપણ સ્કૂલ અને કોલેજ ખોલી શકાશે નહીં, ત્યારે સ્કૂલો દ્વારા વાલીઓ પાસેથી ઉઘરાવવામાં આવી રહી છે તે મુદ્દે આજે રાજ્યના શિક્ષણ પ્રધાન ભૂપેન્દ્રસિંહ ચુડાસમા સાથે સામાજીક આગેવાન અને વાલીમંડળની બેઠક યોજાઇ હતી. જેમાં જ્યાં સુધી સ્કૂલ બંધ રહે ત્યાં સુધી ફી માફી આપવામાં આવે તેવી પણ માગ કરવામાં આવી હતી.

ગ્રાફ

આ બાબતે સામાજિક આગેવાન વરૂણ પટેલે બેઠક બાદ જણાવ્યું હતું કે, રાજ્યના શિક્ષણ પ્રધાન ભૂપેન્દ્રસિંહ ચુડાસમા સાથે ખાસ બેઠક યોજાઇ હતી. આ બેઠકમાં જે વાલીઓની આર્થિક પરિસ્થિતિ નબળી છે તે વાલીઓને તે મુદ્દે રાહત આપવામાં આવે અને જ્યાં સુધી શાળાઓ બંધ છે ત્યાં સુધી તમામ વિદ્યાર્થીઓની ફી માફ કરવામાં આવે. ઉલ્લેખનીય છે કે, આજે 45 મિનિટ સુધી બેઠક ચાલી હતી, ત્યારબાદ હજુ એક બેઠક યોજીને રાજ્ય સરકાર ફી મુદ્દે મહત્વનો નિર્ણય જાહેર કરશે.

વાલી મંડળના પ્રમુખ નરેશ શાહે જણાવ્યું હતું કે, જ્યાં સુધી શાળાઓ બંધ છે ત્યાં સુધી વિદ્યાર્થીઓની ફી માફ કરવામાં આવે, ત્યારે રાજ્ય સરકાર જે એજ્યુકેશન માટે સફળ છે. તેમાંથી બાળકોની ફી ભરવામાં આવે. જ્યારે રાજ્ય સરકારે હજુ સુધી આ મામલે કોઇપણ જીઆર બહાર પાડ્યો નથી. આમ, દિવાળી સુધી શાળા ચાલુ થાય તેમ ન હોવાથી યુનિક વર્ષ જાહેર કરવા માગ કરવામાં આવી હતી. જ્યારે રાજ્ય સરકાર ઈચ્છે તો આગામી સમયમાં તમામ જિલ્લામાંથી વાલીઓને બોલાવીને રાજ્ય સરકાર સાથે બેઠક કરીને કરીને મુદ્દે વધુ ચર્ચા કરવામાં આવશે. જ્યારે સંપૂર્ણ બેઠક બાદ રાજ્યના શિક્ષણ પ્રધાન ભૂપેન્દ્રસિંહ ચુડાસમાએ મીડિયા સમક્ષ બોલવાનું ટાળ્યું હતું.