આ અંગે હર્ષદ રિબડીયાએ કહ્યું કે, તંત્ર દ્વારા કૌભાંડ બહાર આવ્યા પછી કોઈ જ પ્રકારના પગલાં લેવામાં આવ્યા નથી. જે કામ તંત્રે કરવો જોઈએ તે જનતા કરી રહી છે. જો આ બાબતે તટસ્થ કાર્યવાહી કરવામાં આવે તો સચિવાલય સુધી રેલો આવી શકે તેવી શક્યતા છે.
વિસાવદરના ધારાસભ્યને કિસાન કોંગ્રેસના પ્રમુખ હર્ષદ રિબડીયાએ કહ્યું કે, હજુ સુધી આ બાબતે ફરિયાદ થઇ નથી. સરકાર ખાલી વાતો કરી રહી છે, આ કૌભાંડમાં રાજ્યપાલ દખલ કરે અને ખેડૂતોને ન્યાય અપાવે તે બાબતે આજે રજૂઆત કરવામાં આવી હતી. તેમણે કહ્યું કે, આ કૌભાંડમાં અન્ય રાજ્યોનો પણ હાથ હોઇ શકે છે. ખેડૂતો દ્વારા જે માલ આપવામાં આવ્યો હતો, તે ચાંદી જેવો હતો, જ્યારે આ માલ ભુસા જેવો છે. સસ્તા ભાવે લાવીને મોંઘા ભાવે વેચવાનો કારસો કરી વધારે રૂપિયા લઇ કૌભાંડ આચરવામાં આવ્યું છે.
રિબડીયાએ કહ્યું કે, મહારાષ્ટ્રમાં આ પ્રકારનું ભુસુ જોવા મળે છે શંકા વ્યક્ત કરતા તેમણે કહ્યું કે, આ માલ ત્યાંથી લાવવામાં આવ્યો હોય તેવું હોઈ શકે છે. જો તટસ્થ તપાસ કરવામાં આવે તો સચિવાલય સુધી રેલો આવી શકે છે.
