સોમનાથ: જિલ્લામાં કોવિડ-19ના સંક્રમણને અટકાવવા જિલ્લાનાં વહીવટી તંત્રનાં માર્ગદર્શન હેઠળ આરોગ્ય તંત્ર, પોલીસ તંત્ર ફરજ બજાવી રહી છે. ઉના તાલુકાના 14 ગામ ગીરગઢડા, કોડીનારનાં એક-એક ગામોમાં જિલ્લા આરોગ્ય વિભાગ દ્વારા 10000 ઘરો અને 55043 વ્યક્તિઓના આરોગ્યની તપાસણી અને સ્ક્રીનીંગ કરવામાં આવ્યું છે.
ગઇકાલે આરોગ્ય વિભાગ દ્વારા કોરોના વાઇરસ શંકાસ્પદ દર્દીના 60 સેમ્પલ મોકલવામાં આવ્યા હતાં. જેમાંથી 59 સેમ્પલ નેગેટિવ આવ્યા છ, જ્યારે ઉના તાલુકાના નવાબંદર ગામના 48 વર્ષિય પુરૂષનો રિપોર્ટ પોઝિટિવ આવ્યો છે.
શંકાસ્પદ દર્દીઓના ગીર સોમનાથ જિલ્લાના તાલુકા સુત્રાપાડા-06, કોડીનાર-03, ગીરગઢડા-06, વેરાવળ-10, તાલાળા-03 અને ઉના-05, સિવીલ હોસ્પિટલ-07 સહિત 40 શંકાસ્પદ સેમ્પલ લેવામાં આવ્યાં છે.
