ગાંધીનગર : નાયબ મુખ્યપ્રધાન નીતિન પટેલે જણાવ્યું કે, રાજ્યમાં બાળ શિક્ષણનો વ્યાપ વધે તથા બાળકોનો સર્વાંગી વિકાસ થાય તે હેતુસર રાજ્ય સરકારે અનેક વિધ નવતર આયામો હાથ ધર્યા છે. ગાંધીનગર જિલ્લાના શાહપુર ખાતે ચિલ્ડ્રન્સ યુનિવર્સિટી માટે ૩૦ એકર જમીન વિનામૂલ્યે ફાળવવાનો રાજ્ય સરકારે મહત્વનો નિર્ણય કર્યો છે. ગાંધીનગરના શાહપુર ગામ ખાતે આ ૩૦ એકર જમીન વિનામૂલ્યે ફાળવવામાં આવશે.
આ યોજના હેઠળ શહેરી વિસ્તારોમાં જે ઔધોગિક એકમો સ્થાપાયેલા છે તે વિસ્તારોમાં આરોગ્ય સુવિધાઓ આ દવાખાના દ્વારા આપવામાં આવે છે. રાજયમાં હાલ ૪૦થી વધુ શહેરોમાં ૮૦થી વધુ દવાખાનાઓ અને ૭ હોસ્પિટલો કાર્યરત છે. રાજયમાં કામદાર રાજય વીમા યોજના અંતર્ગત હાલ ૧૬ લાખથી વધુ શ્રમયોગીઓ-વીમા કામદારો અને તેઓના કુટુંબીજનોને આરોગ્ય વિષયક સેવાઓ પૂરી પાડવા રાજય સરકાર દ્વારા જે તે વિસ્તારોમાં કામદાર રાજય વીમા યોજનાના દવાખાનાઓ અને નિદાન કેન્દ્રો પણ કાર્યરત છે.
કેન્દ્ર સરકારના આરોગ્ય મંત્રાલય દ્વારા દેશના ૭૫ જિલ્લાઓમાં કે જ્યાં મેડીકલ કોલેજો નથી તે માટે દરખાસ્તો મંગાવાઇ હતી. તેમાં ગુજરાતના ૫ જિલ્લાઓની પસંદગી થઇ છે. તે પૈકી રાજ્યના નર્મદા, નવસારી અને પોરબંદર ખાતે નવી મેડીકલ કોલેજો સ્થાપવા માટે રાજય સરકારની દરખાસ્તને કેન્દ્ર સરકારે મંજુરી આપી દીધી છે. અન્ય પ્રક્રિયા આ કોલેજો શરૂ કરવામાં આવશે. રાજ્યમાં નિર્માણ થનાર આ કોલેજોમાં કોલેજ દીઠ રૂપિયા ૩૨૫ કરોડ ખર્ચ થશે જેમાં ભારત સરકારના ૬૦ % લેખે રૂપિયા ૧૯૫ કરોડ તથા રાજ્ય સરકારના ૪૦ % લેખે રૂપિયા ૧૩૫ કરોડ મળી કુલ-૩ કોલેજો રૂપિયા ૯૭૫ કરોડના ખર્ચે ગુજરાતમાં સ્થપાશે. જેમાં હયાત હોસ્પિટલોનું અપગ્રેડેશન કરીને ખૂટતા સાધનો તથા મેડીકલ કાઉન્સિલ ઓફ ઇન્ડિયાના ધારાધોરણ મુજબની સગવડો ઉપલબ્ધ કરાવીને પ્રથમ તબક્કે ૩૦૦ બેડની અને કોલેજ પૂર્ણ થતાં ૫૦૦ બેડની સુવિધાવાળી હોસ્પિટલોનું પણ નિર્માણ થશે. આ કોલેજોમાં પ્રથમ વર્ષે ૧૦૦ બેઠકો પર પ્રવેશ અપાશે.
